რას გვირჩევენ ვარსკვლავები 1 ოქტომბერი:

ვერძი (21 მარტი - 20 აპრილი)

შესაძლოა, ამ დღეს იპოვოთ პასუხი კითხვაზე - სად მიდის ფული, რომელიც დიდი ხანია, გაწუხებთ. თუმცა, მარტო პასუხის პოვნა საკმარისი არ არის. ის ხვრელიც უნდა ამოავსოთ, საიდანაც თქვენი ფული მუდმივად გაედინება. ფინანსებთან დაკავშირებით კამათს და ურთიერთბრალდებებს უნდა მოერიდოთ - ეს ნერვების მოშლის გარდა, არაფერს მოგიტანთ.

 კურო (21 აპრილი - 21 მაისი)

ამ დღეს დარწმუნებული ხართ, რომ ყველაზე კარგად იცით - ვინ, რა და როდის უნდა გააკეთოს და საკუთარ სიმართლეში გარშემო მყოფების დაჯერებას ცდილობთ. გამირიცხული არ არის, რომ ამას კონფლიქტები მოჰყვეს. იქნებ საჭირო არ არის ვინმესთვის რამეს დამტკიცება? ამის გარეშე თქვენი დღე ბევრად უფრო მშვიდი და ნაყოფიერი იქნება.

ტყუპები (22 მაისი - 21 ივნისი)

გირჩევთ, ეს დღე საკუთარ თავს და საყვარელ ადამიანებს მიუძღვნათ! თუ საყვარელ ადამიანებთან ურთიერთობაში რამე გაწუხებთ ან ხელს გიშლით, ეცადეთ, ამაზე გულწრფელად და პრეტენზიების გარეშე ისაუბროთ. რაც მთავარია, სხვა ადამიანების საქმეებში არ უნდა ჩაერიოთ - ეს ცუდად დასრულდება.

კირჩხიბი (22 ივნისი - 22 ივლისი)

მთელ დღეს სულიერი წონასწორობისა და სიმშვიდის ძიებაში გაატარებთ. ცდუნებას ებრძვით, რომ რაღაც ჯანმრთელობისთვის საზიანო, მაგრამ ძალიან გემრიელი არ შეჭამოთ. თუ ცდუნებასთან გამკლავება გიჭირთ, ეცადეთ, ყურადღება ფიზიკურ დატვირთვაზე გადაიტანოთ, რაც სასუსნავებზე ფიქრს ცოტა ხნით მაინც დაგავიწყებთ.

ლომი (23 ივლისი - 23 აგვისტო)

მთელი დღის განმავლობაში ცდილობთ დაგროვილ კითხვებსა და პრობლემებში გაერკვეთ და სწორი დასკვნა გამოიტანოთ, მთავარია, თქვენი მცდელობა შემთხვევით ვინმესთან დაპირისპირებაში არ გადაიზარდოს. უმჯობესი იქნება, რომ მოზღვავებული ენერგია დაწყებული საქმეების დასასრულებლად და სახლის დალაგებისთვის გამოიყენოთ. ჩანთაში ან მაგიდის უჯრაში შეიძლება იპოვოთ ის, რაც დიდი ხნის დაკარგული გგონიათ.

ქალწული (24 აგვისტო - 23 სექტემბერი)

ამ დღეს თქვენი მთავარი მტერი თქვენივე ენაა! აუცილებელი არ არის, რომ ადამიანებს პირში უთხრათ ყველაფერი, რასაც მათზე ფიქრობთ. შეიძლება ვინმეს შეურაცხყოფა არ გსურთ, მაგრამ შემთხვევით მისთვის მტკივნეულ თემას შეეხოთ. გულწრფელობა კარგია, მაგრამ იმაზეც უნდა იფიქროთ, რომ ვინმეს გული არ ატკინოთ. ვარსკვლავები გირჩევენ, რომ საკუთარი ცხოვრება ძველი და უსარგებლო ნივთებისგან გაათავისუფლოთ და სიახლეებისთვის მოემზადოთ.

სასწორი (24 სექტემბერი - 23 ოქტომბერი)

ეს დღე უამრავ გამოცდას გიმზადებთ. ამასთან, ზებუნებრივი უნარების წყალობით შეურაცხმყოფელ მინიშნებებს იქაც კი ხედავთ, სადაც არასოდეს ყოფილა. თუ არ გსურთ, რომ მთელი დღე კონფლიქტში გაატაროთ, საკამათო თემებს და დაპირისპირებებს თავი უნდა აარიდოთ.

მორიელი (24 ოქტომბერი - 22 ნოემბერი)

ამ დღეს ყველაზე მეტად მნიშვნელოვანი, საპასუხისმგებლო გადაწყვეტილებების მიღებას უნდა მოერიდოთ. განსაკუთრებით დაუშვებელია რადიკალიზმი, ამიტომაც სანამ რამეს იტყვით ან გააკეთებთ, კარგად უნდა დაფიქრდეთ. კარგი იქნება, თუ გამოცდილი ადამიანების რჩევებსაც გაითვალისწინებთ.

მშვილდოსანი (23 ნოემბერი - 21 დეკემბერი)

ამ დღეს საზოგადოებას მორალის დამცველად მოევლინებით. ნებისმიერი ორაზროვანი ხუმრობა და მინიშნება (მიუხედავად იმისა, ვისკენაა მიმართული) თქვენს გაღიზიანებას გამოიწვევს. ასე რომ, ჩხუბის დასაწყებად მიზეზის ძებნა არ დაგჭირდებათ.

თხის რქა (22 დეკემბერი - 20 იანვარი)

ურთიერთობის სურვილის მიუხედავად, ამ დღეს ხალხმრავალ შეკრებებსა და წვეულებებს უნდა მოერიდოთ - გამორიცხული არ არის, რომ ვიღაცამ პროვოკაცია მოგიწყოთ და დაპირისპირებაში ჩაგითრიოთ. შედეგი იმდენად მძიმე იქნება, რომ შეიძლება თქვენს სულში წარუშლელი კვალი დატოვოს.

 მერწყული (21 იანვარი - 18 თებერვალი)

ამ დღემ რომ კარგად ჩაიაროს, უმჯობესია წინასწარ მოემზადოთ და ეს მზადება სახლის დალაგება-დასუფთავებით დაიწყოთ. არაფერი ისე არ გაღიზიანებთ, როგორც სახლში ჭუჭყი და ნაგავი. სუფრაზე პურის ნამცეცებმაც კი შეიძლება მთელი დღით ხასიათი გაგიფუჭოთ და საქმის კეთების სურვილი დაგიკარგოთ.

თევზები (19 თებერვალი - 20 მარტი)