,
რას გვირჩევენ ვარსკვლავები 1 ნოემბერი ჯანმრთელობის, ბიზნესის და სიყვარულის მიმართულებით?
ვერძი (21 მარტი - 20 აპრილი)
ადამიანს, რომელიც ამ დღეს დახმარებას გთხოვთ, უარი არავითარ შემთხვევაში არ უნდა უთხრათ. ვარსკვლავები წარმატებულ დღეს გპირდებიან. გახსოვდეთ, ცხოვრება ბევრად უფრო ადვილია, როდესაც საკუთარ განცდებს ან საზრუნავს საყვარელ ადამიანებს უზიარებთ. ეცადეთ, საღამო სასიამოვნო გარემოში გაატაროთ, რათა გონება დღის საზრუნავისგან გაათავისუფლოთ.
კურო (21 აპრილი - 21 მაისი)
ამ დღეს მნიშვნელოვანია, რომ ზედმეტ ნერვიულობას მოერიდოთ და ემოციები აკონტროლოთ. გახსოვდეთ, რომ დაწყებული საქმის საბოლოო შედეგი თქვენს სიმშვიდესა და წონასწორობაზეა დამოკიდებული. დღის პირველ ნახევარში გუნდური მუშაობა გაცილებით უფრო შედეგიანი იქნება. აჩქარება, პრობლემების გარდა, არაფერს მოგიტანთ, ამიტომ მშვიდად და თანმიმდევრულად იმოქმედეთ.
ტყუპები (22 მაისი - 21 ივნისი)
ამ დღეს შეიძლება ვიღაცის მითითებების შესრულება და კოლეგების დახმარება მოგიწიოთ - შესაძლოა, ვიღაცამ თქვენი კეთილგანწყობით ისარგებლოს და სიტუაცია თავის სასარგებლოდ გამოიყენოს. დაუფიქრებლად არაფერი თქვათ, რათა უნებურად ისეთი ვინმე არ შეურაცხყოთ, ვინც ამას არ იმსახურებს.
კირჩხიბი (22 ივნისი - 22 ივლისი)
სამახურში ყველაფერი შესანიშნავადაა - ამ დღეს მნიშვნელოვანი ამოცანების წარმატებით გადაჭრას და გეგმების განხორციელებას შეძლებთ. ეცადეთ, პირად ურთიერთობებში მეტი თავშეკავება გამოიჩინოთ და ემოციებს თქვენზე ზემოქმედების უფლება არ მისცეთ.
ლომი (23 ივლისი - 23 აგვისტო)
საინტერესო და დაძაბული დღეა. შესაძლოა, საკუთარი ინტერესების და საყვარელი ადამიანების დაცვა მოგიწიოთ. გაითვალისწინეთ, რომ რამდენიმე საქმის ერთდროულად კეთებამ და გაზრდილმა პასუხისმგებლობამ შეიძლება შეცდომები გამოიწვიოს. პრობლემების დაძლევაში საკუთარი ავტორიტეტი და პროფესიონალიზმი დაგეხმარებათ.
ქალწული (24 აგვისტო - 23 სექტემბერი)
კონფლიქტურმა სიტუაციამ, რომლის წარსულში მოგვარება ვერ შეძელით, შესაძლოა თავი შეგახსენოთ. გინდათ თუ არა, ამ პრობლემის სასწრაფოდ მოგვარება მოგიწევთ. ამის შემდეგ შესაძლოა, მნიშვნელოვანი საქმიანი წინადადება მიიღოთ. თუ საქმეს დამოუკიდებლად ვერ უმკლავდებით, დახმარების თხოვნა არ უნდა მოგერიდოთ.
სასწორი (24 სექტემბერი - 23 ოქტომბერი)
მოემზადეთ რთული მოლაპარაკებებისთვის, სადაც დიპლომატიური უნარების დემონსტრირება მოგიწევთ. ეცადეთ, მოსაუბრეზე ზეწოლა არ მოახდინოთ და თავაზიანობა გამოიჩინოთ - ასე უფრო მარტივად მიაღწევთ სასურველ შედეგს.
მორიელი (24 ოქტომბერი - 22 ნოემბერი)
ვარსკვლავების კეთილგანწყობის წყალობით ამ დღეს ნებისმიერ საქმეში წარმატებას აღწევთ და ყურადღების ცენტრში ექცევით. თავდაჯერება სასარგებლო კონტაქტების დამყარებაში დაგეხმარებათ. უმჯობესია მნიშვნელოვანი საქმეები დღის პირველ ნახევარში დაგეგმოთ. საქმეს უფრო სწრაფად დაასრულებთ, თუ მარტო იმუშავებთ და დროს ცარიელ საუბრებზე არ დაკარგავთ.
მშვილდოსანი (23 ნოემბერი - 21 დეკემბერი)
სასურველია, რომ გარშემო მყოფების მიმართ მეტი კეთილგანწყობა გამოიჩინოთ და ყოველ უმნიშვნელო შეცდომაზე არ აკრიტიკოთ. პირად ურთიერთობებში მოსალოდნელია სირთულეები, მაგრამ ნუ აჩქარდებით და ნუ მიიღებთ გადაწყვეტილებას, რომელსაც მალე ინანებთ. ეს დღე ექსპერიმენტებისთვის არახელსაყრელია, ამიტომ გირჩევთ ძველი, კარგად გამოცდილი ხერხებით იმოქმედოთ.
თხის რქა (22 დეკემბერი - 20 იანვარი)
ამ დღის ამოცანაა, რომ სერიოზული შეცდომები თავიდან აიცილოთ და კარგი განწყობა შეინარჩუნოთ. ნუ გააკრიტიკებთ კოლეგებს და მეგობრებს შეცდომების გამო, მით უმეტეს, რომ მალე მათი მხარდაჭერა დაგჭირდებათ. ყურადღება მიაქციეთ მინიშნებებს და ყველაფერს, რაც თქვენ გარშემო ხდება. ეცადეთ, მიხვდეთ რისი თქმა სურთ თქვენთვის ვარსკვლავებს.
მერწყული (21 იანვარი - 18 თებერვალი)
შესაძლოა, ამ დღეს ისეთი ადამიანებიც კი შეგეხმიანონ, რომლებიც დიდი ხანი არ გინახავთ. მოემზადეთ აქტიური და საინტერესო დღისთვის, რომელიც თქვენი პიროვნული და პროფესიული ზრდისთვის ახალ შესაძლებლობებს მოგცემთ.
თევზები (19 თებერვალი - 20 მარტი)
ემოციურად დაძაბული დღეა. ნებისმიერი წვრილმანი გაღიზიანებთ, რამაც შეიძლება კონფლიქტები და უსიამოვნო სიტუაციები გამოიწვიოს. დამატებითი სამუშაო დიდ დროს წაგართმევთ. სავარაუდოდ, გეგმების შეცვლა და ახალ გარემოებებში მოქმედება მოგიწევთ, ამიტომ წინასწარ ნურაფერს დაგეგმავთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
