,
♈ ვერძი (21 მარტი - 19 აპრილი)
დღის მოვლენები: ბევრი იდეა გაგიჩნდებათ, მაგრამ ცოტა განხორციელდება.
ოჯახი: საყვარელ ადამიანთან კამათი უმნიშვნელო დეტალებზე შეიძლება დიდ პრობლემად იქცეს.
ბიზნესი: ფულის გადანაწილება დაგჭირდებათ, რადგან რაღაც გაუთვალისწინებელი ხარჯი წამოიჭრება.
სიყვარული: ახალი ურთიერთობა არ გამოირიცხება, მაგრამ ზედმეტ იმედებს ნუ მიეცემით.
კარიერა: უფროსობასთან ზედმეტად გახსნილი საუბარი შეიძლება საწინააღმდეგოდ შემოგიბრუნდეთ.
სამსახური: საქმიანი შეხვედრები არ იყოს პროდუქტიული, მაგრამ საჭირო კავშირებს დაამყარებთ.
♉ კურო (20 აპრილი - 20 მაისი)
დღის მოვლენები: ემოციების კონტროლი დაგჭირდებათ, თორემ შესაძლოა სულელური შეცდომა დაუშვათ.
ოჯახი: შინაგანი სიმშვიდის მოპოვება რთული იქნება, რადგან ოჯახში დაძაბულობა მატულობს.
ბიზნესი: ფინანსურ საკითხებში სიფრთხილე უნდა გამოიჩინოთ, რადგან ვიღაც თქვენს ნდობას არ იმსახურებს.
სიყვარული: ურთიერთობაში ცივი პერიოდი შეიძლება დადგეს, მაგრამ ყველაფერი გამოსწორებადია.
კარიერა: კარიერული წინსვლა რეალურია, მაგრამ ამისთვის ინიციატივა უნდა გამოიჩინოთ.
სამსახური: ზედმეტი სტრესისგან თავის დაღწევა მხოლოდ სწორი დროის მართვით შეძლებთ.
♊ ტყუპები (21 მაისი - 20 ივნისი)
დღის მოვლენები: თქვენი ენთუზიაზმი შეიძლება სხვებისთვის გადამდები აღმოჩნდეს.
ოჯახი: ოჯახის წევრებისგან მოულოდნელ მხარდაჭერას მიიღებთ.
ბიზნესი: ახალი შესაძლებლობები გამოჩნდება, მაგრამ სიფრთხილეა საჭირო.
სიყვარული: რომანტიკულ სფეროში სიმშვიდეა, მაგრამ დიდი გრძნობები ჯერ არ ჩანს.
კარიერა: თქვენი იდეები შეიძლება სკეპტიკურად მიიღონ, მაგრამ არ დაიხიოთ უკან.
სამსახური: კოლეგებთან კომუნიკაცია უფრო მარტივი გახდება, რაც საქმის ხარისხზე აისახება.
♋ კირჩხიბი (21 ივნისი - 22 ივლისი)
დღის მოვლენები: ინტუიციას ენდეთ, რადგან გონებით გადაწყვეტილებები ბოლომდე სწორი არ იქნება.
ოჯახი: ოჯახის წევრები შესაძლოა თქვენს პირად საქმეებში ზედმეტად ჩაერიონ.
ბიზნესი: ახალ პარტნიორებთან მუშაობა გარკვეულ სირთულეებს გამოიწვევს.
სიყვარული: თუ კონფლიქტი გაჩნდა, ჯობს მშვიდად გადაჭრათ, ვიდრე ემოციურად.
კარიერა: ახალი პროექტის შეთავაზება შეიძლება მიიღოთ, მაგრამ ფრთხილად გადაამოწმეთ დეტალები.
სამსახური: დიდ დატვირთვას იგრძნობთ, მაგრამ შედეგები თქვენთვის სასარგებლო იქნება.
♌ ლომი (23 ივლისი - 22 აგვისტო)
დღის მოვლენები: ამბიციები წინ გაგიყვანთ, მაგრამ მხოლოდ მათ არ უნდა დაეყრდნოთ.
ოჯახი: ოჯახში ინიციატივის გამოჩენა თქვენზეა დამოკიდებული.
ბიზნესი: ფინანსური მოგება მოსალოდნელია, მაგრამ ხარჯებიც გაიზრდება.
სიყვარული: ყურადღების ცენტრში იქნებით, მაგრამ არავინ მოგეჩვენოთ იმაზე მეტად განსაკუთრებული, ვიდრე არის.
კარიერა: კარიერული ცვლილებები ჰორიზონტზე ჩანს, მაგრამ ჯერ ადრეა გადამწყვეტი ნაბიჯებისთვის.
სამსახური: თქვენი შრომისმოყვარეობა დაფასდება, თუმცა ზედმეტი პასუხისმგებლობა დაგაწვებათ.
♍ ქალწული (23 აგვისტო - 22 სექტემბერი)
დღის მოვლენები: დღეს იმედგაცრუების თავიდან აცილება თქვენივე მოლოდინებზეა დამოკიდებული.
ოჯახი: ოჯახის წევრებს თქვენი მხარდაჭერა სჭირდებათ, მაგრამ ეს არ ნიშნავს, რომ თქვენი საზღვრები უნდა დაარღვიონ.
ბიზნესი: გადაწყვეტილებები სწრაფად უნდა მიიღოთ, თორემ შანსი ხელიდან გაგექცევათ.
სიყვარული: ურთიერთობა გაურკვევლობას შეიცავს, მაგრამ თუ გულწრფელები იქნებით, ყველაფერი გაირკვევა.
კარიერა: მეტი სიფრთხილე გმართებთ, რადგან ვიღაც თქვენს შეცდომას ელოდება.
სამსახური: რთული დღეა, მაგრამ თქვენი პროფესიონალიზმი დასაფასებელი იქნება.
♎ სასწორი (23 სექტემბერი - 22 ოქტომბერი)
დღის მოვლენები: ბალანსის პოვნა გაგიჭირდებათ, მაგრამ გრძნობებს ნუ აჰყვებით.
ოჯახი: ოჯახის წევრები თქვენს რჩევას საჭიროებენ, ამიტომ მოემზადეთ მათი გასაზიარებლად.
ბიზნესი: პარტნიორებთან ურთიერთობა შეიძლება დაიძაბოს, ამიტომ მოთმინება გამოიჩინეთ.
სიყვარული: სიყვარული სპონტანურად შეიძლება გამოჩნდეს, მაგრამ ნუ იჩქარებთ.
კარიერა: დიდი ცვლილებები მოსალოდნელი არ არის, მაგრამ თქვენს პოზიციებს გაამყარებთ.
სამსახური: კოლეგებისგან მოულოდნელ დახმარებას მიიღებთ, რაც საქმეს გაგიადვილებთ.
♏ მორიელი (23 ოქტომბერი - 21 ნოემბერი)
დღის მოვლენები: კონცენტრაციის შენარჩუნება რთული იქნება, მაგრამ აუცილებელი.
ოჯახი: ოჯახში შესაძლო კონფლიქტი, რომელსაც მოთმინებით უნდა შეხვდეთ.
ბიზნესი: ფულის დაბანდებაზე დაფიქრება ღირს, მაგრამ რისკები არ უნდა გამოგრჩეთ.
სიყვარული: თქვენი ემოციები შეიძლება უფრო ინტენსიური გახდეს, ვიდრე საჭიროა.
კარიერა: ხელმძღვანელობა შესაძლოა თქვენს იდეებს სკეპტიკურად შეხვდეს, მაგრამ თავი არ უნდა შეიკავოთ.
სამსახური: ზედმეტი პასუხისმგებლობა თავს მოგახვევენ, მაგრამ ღირსეული ანაზღაურებით.
♐ მშვილდოსანი (22 ნოემბერი - 21 დეკემბერი)
დღის მოვლენები: თავისუფლების სურვილი შეიძლება სირთულეებად გადაიქცეს.
ოჯახი: ნათესავებთან ურთიერთობა შეიძლება არ იყოს მარტივი, მაგრამ გულწრფელობა დაგეხმარებათ.
ბიზნესი: კარგი დროა ახალი ბიზნესის წამოსაწყებად, მაგრამ მხოლოდ დეტალური გეგმის შემთხვევაში.
სიყვარული: სიმართლე თქვით, თუნდაც ვინმეს არ მოეწონოს.
კარიერა: თქვენი უნარები დაფასდება, მაგრამ სიფრთხილე მაინც გმართებთ.
სამსახური: პროექტის დასრულება თქვენს მოთმინებაზე იქნება დამოკიდებული.
♑ თხის რქა (22 დეკემბერი - 19 იანვარი)
დღის მოვლენები: რაც გინდათ, ის გააკეთეთ, მაგრამ შედეგებზეც იფიქრეთ.
ოჯახი: კონფლიქტები თავიდან აიცილეთ, თუნდაც მიგაჩნდეთ, რომ მართალი ხართ.
ბიზნესი: ახალი შეთავაზებები შეიძლება ბევრს გპირდებოდეს, მაგრამ კრიტიკულად გაანალიზეთ.
სიყვარული: ძველი ჭრილობები შეიძლება კვლავ გაგახსენდეთ.
კარიერა: მოთმინება გადამწყვეტი იქნება.
სამსახური: შრომისმოყვარეობა შედეგს გამოიღებს, მაგრამ ენერგია სწორად გადაანაწილეთ.
♒ მერწყული (20 იანვარი - 18 თებერვალი)
დღის მოვლენები: ცვლილებები ახლოსაა, მაგრამ ჯერ მზად არ ხართ.
ოჯახი: მოლაპარაკებები ოჯახის წევრებთან კონფლიქტებს აიცილებს.
ბიზნესი: ფინანსური სტაბილურობა უნდა შეინარჩუნოთ.
სიყვარული: მოულოდნელი შეხვედრა არ გამოირიცხება.
კარიერა: მოტივაცია დაბალია, მაგრამ დროებითია.
სამსახური: საქმეებზე ფოკუსირება გაგიჭირდებათ.
♓ თევზები (19 თებერვალი - 20 მარტი)
დღის მოვლენები: ოცნება კარგია, მაგრამ რეალობას ნუ მოწყვეტთ.
ოჯახი: მეგობრული ატმოსფერო კარგია, მაგრამ საზღვრები დაიცავით.
ბიზნესი: მოულოდნელი შემოსავალი მოსალოდნელია.
სიყვარული: ემოციებს ნუ აჰყვებით.
კარიერა: ახალი პასუხისმგებლობები მოგემატებათ.
სამსახური: ყურადღების კონცენტრაცია გაგიჭირდებათ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
