რას გვიმზადებენ ვარსკვლავები 1-ლი მაისისთვის:
ვერძი (21 მარტი - 20 აპრილი)
ამ დღეს რაც უფრო მეტი ადამიანი იქნება თქვენ გარშემო, თავს მით უკეთესად გრძნობთ. ახლა ყველაზე მეტად ხალხმრავლობა და ურთიერთობები გჭირდებათ. გირჩევთ სახლიდან გასვლამდე მოსალოდნელი ფინანსური დანახარჯი გათვალოთ, რათა ბიუჯეტს არ გადააჭარბოთ და ცარიელი ჯიბით არ დაბრუნდეთ.
კურო (21 აპრილი - 21 მაისი)
თანამდებობით თქვენზე მაღლა მდგომ ადამიანებთან ურთიერთობისთვის არახელსაყრელი დღეა. ასევე, შეიძლება გაუგებრობები წარმოიშვას უფროს ნათესავებთან ურთიერთობაშიც. თუმცა, გირჩევთ ის აკეთოთ, რაც თავად გსურთ და არა გარშემო მყოფებს. სამსახურში დამატებით ვალდებულებების აღებას უნდა მოერიდოთ - ამისთვის არც ძალა გეყოფათ და არც სურვილი.
ტყუპები (22 მაისი - 21 ივნისი)
შესაძლოა, ამ დღეს გეგმის მკვეთრად შეცვლა მოგიწიოთ, რაც განწყობას გაგიფუჭებთ. სამსახურში მოულოდნელი პრობლემები დაწყებული საქმის დასრულების საშუალებას არ გაძლევთ. თუ უმიზეზო სევდა მოგეძალათ, მარტო ნუ დარჩებით - გვერდით გყავდეთ ადამიანი, ვინც თქვენი განწყობის ამაღლებაზე იზრუნებს.
კირჩხიბი (22 ივნისი - 22 ივლისი)
უბრალო გაუგებრობის გამო მეგობრებისა და თანამოაზრეების წრეში ცვლილებები გელით. მზად იყავით პარტნიორთან უთანხმოებისთვისაც, რისი მიზეზიც შეიძლება ფინანსები გახდეს. არახელსაყრელი დღეა ბანკებთან ურთიერთობისთვის. დღის მეორე ნახევარში შეხვედრა გელით საინტერესო ადამიანებთან. ამიტომ ნუ მოერიდებით ხალხმრავალ შეკრებებს, სადაც სასარგებლო კონტაქტების დამყარებას შეძლებთ.
ლომი (23 ივლისი - 23 აგვისტო)
ეცადეთ სამსახურში ნაკლები იაქტიუროთ, რომ მენეჯმენტს თვალში არ მოხვდეთ. შეეცადეთ მოთმინება გამოიჩინოთ მაშინაც, როდესაც გარშემო მყოფები ცდებიან ან უსამართლოდ გექცევიან. დროულად მიღებული ინფორმაცია საშუალებას მოგცემთ გაურკვეველ სიტუაციაში სწორი გადაწყვეტილება მიიღოთ.
ქალწული (24 აგვისტო - 23 სექტემბერი)
გარკვეული ვალდებულებების ან ჯანმრთელობის მდგომარეობის გამო გეგმების შეცვლა მოგიწევთ. სამსახურში მოსალოდნელია უთანხმოება კოლეგებთან ან მენეჯმენტთან. გამორიცხული არაა ცვლილება, რომელიც არ მოგეწონებათ. შეეცადეთ გამონახოთ დრო დასვენებისთვის, ეს ახლა ყველაზე მეტად გჭირდებათ.
სასწორი (24 სექტემბერი - 23 ოქტომბერი)
მიზნების მისაღწევად ბევრი წინააღმდეგობის გადალახვა მოგიწევთ, განსაკუთრებით - დღის პირველ ნახევარში. საბედნიეროდ, ახლოს არიან ადამიანები, რომლებსაც შეგიძლიათ რჩევისა და დახმარებისთვის მიმართოთ. თავი შეიკავეთ უსარგებლო ნივთების შეძენისგან და ეცადეთ, ფული უფრო ეკონომიურად ხარჯოთ. შეიძლება ყოველდღიურ ცხოვრებაში რაღაცის შეცვლა და გარკვეულ გარემოებებთან ადაპტაცია მოგიწიოთ.
მორიელი (24 ოქტომბერი - 22 ნოემბერი)
პარტნიორთან კამათი და გაუგებრობა გელით. სავარაუდოდ, ეს საყოფაცხოვრებო საქმეების ან დღის გეგმების გამო მოხდება. არახელსაყრელი დღეა სტუმრების მისაღებად ან ნათესავებთან ურთიერთობისთვის.
მშვილდოსანი (23 ნოემბერი - 21 დეკემბერი)
ამ დღეს საკუთარ ჯანმრთელობას მეტი ყურადღება უნდა მიაქციოთ. ვარსკვლავების ხელსაყრელი განლაგების წყალობით მიზნის მიღწევა იმაზე ადვილი იქნება, ვიდრე ფიქრობდით. ამაში ისეთი ადამიანები დაგეხმარებიან, ვისგანაც მხარდაჭერას ან უბრალოდ, კარგ დამოკიდებულებასაც არ ელოდით. ახლა ყველაზე მეტად თავდაჯერება და სიმტკიცე გჭირდებათ.
თხის რქა (22 დეკემბერი - 20 იანვარი)
ეცადეთ, უსარგებლო ნივთებში და გართობაში ბევრი ფული არ დახარჯოთ, რადგან ოჯახში დაუგეგმავი ხარჯები გელით. მოერიდეთ საზოგადოებრივ ადგილებში ჭამას. არახელსაყრელი დღეა ძვირად ღირებული შესყიდვებისთვის. შეგიძლიათ დაიწყოთ საქმე, რომელიც შემოქმედებით უნარებს მოითხოვს. ადამიანები, რომლებიც კარგად გიცნობენ, თქვენს ღირსებებს კიდევ ერთხელ დააფასებენ.
მერწყული (21 იანვარი - 18 თებერვალი)
ზოგჯერ ჩვენი სურვილები შესაძლებლობებს არ ემთხვევა, ამიტომ შეიძლება საკუთარი თავის მიმართ უკმაყოფილება იგრძნოთ. გირჩევთ, ეს დღე სახლის გარეთ გაატაროთ. ეცადეთ ნათესავებთან ურთიერთობისას თავშეკავება გამოიჩინოთ და შემოსული ინფორმაცია გამუდმებით აკონტროლოთ, რათა მხედველობიდან არაფერი გამოგრჩეთ.
თევზები (19 თებერვალი - 20 მარტი)
ნაყოფიერი და საინტერესო დღეა. შესაძლებლობა გექნებათ, დაწყებული პროექტი დაასრულოთ და სხვა ადამიანებს დაეხმაროთ. ერთ-ერთ ნათესავთან ან მეგობართან ურთიერთობისას მოსალოდნელია გაუგებრობა, რომელიც მალე აღმოიფხვრება. ამ დღეს დაგეგმილი მოგზაურობა იმედგაცრუებას მოგიტანთ.
4 თვის მონაცემებით, საქართველოდან ღვინის ექსპორტი რეკორდულია. ოფიციალური სტატისტიკის მიხედვით, იანვარ-აპრილში ღვინის ექსპორტი 61%-ით 126.5 მილიონ დოლარამდე გაიზარდა. საქართველოდან სხვადასხვა ქვეყანაში გაყიდული ღვინის მოცულობამ კი 45 139 ტონა შეადგინა.
საქართველოს $1 მილიარდ 763 მილიონიან ექსპორტში, ყურძნის ნატურალურ ღვინოებს უმსხვილეს საექსპორტო საქონლის რეიტინგში, რეექსპორტირებული მსუბუქი ავტომობილების შემდეგ მეორე ადგილი უკავია. ამ პერიოდში ადგილობრივი წარმოების პროდუქტზე მთლიანი ექსპორტის 7.2% მოდიოდა. მაშინ როდესაც გასულ წელს ღვინის ექსპორტზე 4% მოდიოდა.
ქართული ღვინის მთავარი საექსპორტო ბაზარი ტრადიციულად რუსეთია. თუმცა მიმდინარე წლის პირველ ოთხ თვეში ღვინის ექსპორტის რეკორდული მაჩვენებელი შეგვიძლია ვთქვათ, რომ რუსეთში გაყიდვების ზრდით არის განპირობებული. სტატისტიკის მიხედვით, წლის ამ პერიოდში რუსეთზე ღვინის ექსპორტის 78.6% მოდიოდა. რუსეთში ღვინის ექსპორტიც ისტორიულ მაქსიმუმზეა.
ამ პერიოდში საქართველოდან რუსეთში 37 045 ტონა ღვინის გაყიდვით საქართველომ 99,5 მილიონი დოლარის შემოსავალი მიიღო. ექსპორტირებული პროდუქტის ღირებულება წლიურად 90.1%-ით, მოცულობა კი 94.4%-ით გაიზარდა. ამასთან რუსეთში გატანილი ღვინის მოცულობა 2023 წელს ჯამურად რუსეთში გაყიდული ღვინის მოცულობის ნახევარს აღემატება. (2023 წლის ექსპორტი 168.3 მლნ დოლარი, 62 282 ტონა ღვინო). ღვინის გაყიდვის ასეთი ზრდას მეღვინეები რუსეთში ალკოჰოლურ სასმელებზე, მათ შორის ღვინოზე აქციზის გადასახადის ზრდით ხსნიან. მეღვინეების ნაწილი განმარტავდნენ, რომ მწარმოებლები პირველ ოთხ თვეში ამ ბაზარზე წლიური რეალიზების 80%-მდე გატანას შეეცდებოდნენ.
იანვარ-აპრილში ღვინის ექსპორტი მცირედით გაიზარდა ევროკავშირის ქვეყნებშიც. ამ პერიოდში EU-ში 10 მილიონ 217 ათასი დოლარის ღირებულების 3 249 ტონა ღვინო გაიყიდა. ზრდა ღირებულებაში - 13%, მოცულობაში კი 13.7%-ია. ღვინის ექსპორტში ევროკავშირს მცირე - 8%-იანი წილი უჭირავს.
ღვინის გაყიდვებს თუ უმსხვილესი საექსპორტო ქვეყნების ჭრილში შევხედავთ, დავინახავთ, რომ წლის პირველ ოთხ თვეში ღვინის რეალიზება რუსეთში, პოლონეთში, ყაზახეთში, აშშ-ში გაიზარდა, ხოლო უკრაინაში, ჩინეთში, ბელარუსში, ლატვიასა და ლიეტივაში შემცირდა.
ყურძნის ნატურალური ღვინოების TOP-10 საექსპორტო ქვეყნის რეიტინგი ღირებულების მიხედვით ასეთია:
წყარო: https://bm.ge/