,
რას გვირჩევენ ვარსკვლავები 1 ივნისისთვის:
ვერძი (21 მარტი - 20 აპრილი)
ნუ ელით, რომ ეს დღე აქტიური და ნაყოფიერი იქნება. უმჯობესია, ის დასვენებას დაუთმოთ და სამსახურის საქმეები მომავალი კვირისთვის გადაიტანოთ. მუშაობამ ისე დაგღალათ, რომ ძალების აღდგენას დრო დასჭირდება. პიროვნული თვისებების წყალობით გარშემო მყოფებს ადვილად ხიბლავთ, რაც ჩანაფიქრის შესრულებაში დაგეხმარებათ.
კურო (21 აპრილი - 21 მაისი)
ვარსკვლავები გირჩევენ, რომ ეს დღე აქტიურად გაატაროთ. ეცადეთ, დილას ადრე გაიღვიძოთ, სამოქმედო გეგმა შეადგინოთ და ეტაპობრივად განახორციელოთ. ვარსკვლავები გირჩევენ, რომ პარტნიორის მოთხოვნილებებს მეტი ყურადღება მიაქციოთ და მის აზრს მეტი პატივი სცეთ.
ტყუპები (22 მაისი - 21 ივნისი)
ბოლო დროს ერთპიროვნულ გადაწყვეტილებებს იღებთ, მაგრამ დროა, სხვების აზრიც გაითვალისწინოთ. გადაწყვეტილების მიღებამდე რჩევა ოჯახის წევრებს და საყვარელ ადამიანებს უნდა სთხოვოთ, რადგან თქვენი გადაწყვეტილებები მათზე მოქმედებს. გირჩევთ, ურთიერთობაში საზღვრები დააწესოთ და გაარკვიოთ რა არის დასაშვები და რა არა. ეს უხერხულობას და პრობლემებს თავიდან აგაცილებთ.
კირჩხიბი (22 ივნისი - 22 ივლისი)
კვირის შედეგებით უკმაყოფილო ხართ, რაც თქვენს განწყობაზე მოქმედებს. ჯავრი საყვარელ ადამიანებზე რომ არ იყაროთ, ეცადეთ, საკუთარ მდგომარეობას გონივრულად შეხედოთ. ჩამოწერეთ ყველა დაშვებული შეცდომა და სიტუაციის მოგვარების ვარიანტები. ეს უკეთესია, ვიდრე ნერვიულობა და ყვირილი. გაუგებრობის თავიდან აცილებისთვის ჯობს, ადამიანებს ახსნა-განმარტებები მოსთხოვოთ. თანამოსაუბრე როგორი ახლობელიც არ უნდა იყოს, თავაზიანობის საზღვრებს ნუ გადახვალთ და თავს ზედმეტის უფლებას ნუ მისცეთ.
ლომი (23 ივლისი - 23 აგვისტო)
გირჩევთ, რომანტიკული ან საქმიანი ურთიერთობები სამომავლოდ გადადოთ და შაბათი საყოფაცხოვრებო საკითხებისა და საშინაო პრობლემების მოგვარებას დაუთმოთ. ამ მხრივ იმდენი საქმე დაგროვდა, რომ მათი დასრულებისთვის ერთი დღე არ გეყოფათ. უსმინეთ საკუთარ სხეულს და მიეცით ის, რაც სურს. ამ დღეს ყველაზე მეტად მშვიდ გარემოში დასვენება გჭირდებათ.
ქალწული (24 აგვისტო - 23 სექტემბერი)
შაბათი თქვენს ცხოვრებაში რაიმე მნიშვნელოვანს არ მოიტანს, მაგრამ საყვარელი ადამიანების უკეთ გაცნობას შეძლებთ. ეცადეთ, ოჯახთან ერთად მეტი დრო გაატაროთ - ახლა მათ თქვენი მხარდაჭერა და რჩევა სჭირდებათ. თუ რეალობას მეტ ყურადღებას მიაქცევთ, მიხვდებით, რომ ყველაფერი, რაც ბედნიერებისთვის გჭირდებათ, ცხვირწინ გაქვთ.
სასწორი (24 სექტემბერი - 23 ოქტომბერი)
ამ ნიშნის ბევრი წარმომადგენელი ახალ სამსახურში გადასვლის შეთავაზებას მიიღებს. იფიქრეთ, გააანალიზეთ, მაგრამ ეცადეთ, ეს ინფორმაცია სახლის გარეთ არ გავიდეს - შესაძლოა, ვიღაცამ თქვენთვის ხელის შეშლა სცადოს. ნუ დაეხმარებით ადამიანს, ვისაც თქვენი დახმარება არ სჭირდება. შეგიძლიათ საკუთარი ენერგია ბევრად უფრო ნაყოფიერად გამოიყენოთ.
მორიელი (24 ოქტომბერი - 22 ნოემბერი)
ეს დღე პესიმისტური განწყობით დაიწყება - ბევრი დაგეგმილი აქტივობა და შეხვედრა გაუქმდება, რაც ასევე გაგაბრაზებთ, მაგრამ მალე მიხვდებით, რომ ცხოვრება საკუთარ სურვილებს და კაპრიზებს არ უნდა შეუსაბამოთ. გირჩევთ, თუნდაც უმნიშვნელო ჯანმრთელობის პრობლემა უყურადღებოდ არ დატოვოთ.
მშვილდოსანი (23 ნოემბერი - 21 დეკემბერი)
სასურველია, რომ შაბათ-კვირა კარიერულ პერსპექტივებზე ფიქრს დაუთმოთ. თუ გრძნობთ, რომ სამუშაო სიამოვნებას არ განიჭებთ, ამის შესახებ მენეჯერს უნდა გაესაუბროთ და ხელსაყრელი გამოსავალი იპოვოთ. ახალი ურთიერთობის დაწყებას ნუ იჩქარებთ. ჯობს ჯერ ადამიანს დააკვირდეთ და მისი ხასიათი კარგად შეისწავლოთ.
თხის რქა (22 დეკემბერი - 20 იანვარი)
შეიძლება ამ დღეს აღმოაჩინოთ, რომ ნაჩქარევი გადაწყვეტილება მიიღეთ. სავარაუდოდ, პრობლემის მოგვარების სხვა გზაც არსებობდა, რომელიც გამოგრჩათ ან არ იცოდით. თუ კარიერულ წინსვლაზე ოცნებობთ, ახლა ამისთვის შესაფერისი დროა. ვარსკვლავების მხარდაჭერით, შეგიძლიათ გარისკოთ და თამამი გეგმები განახორციელოთ.
მერწყული (21 იანვარი - 18 თებერვალი)
გირჩევთ, მცირე შესვენება აიღოთ - არსად იჩქაროთ, არავის შეხვდეთ და არაფერი აკეთოთ. ტელეფონი გათიშეთ, მოდუნდით და დაისვენეთ. პერიოდულად ასეთი განტვირთვის მოწყობა ძალიან სასარგებლოა. ეს დაგანახვებთ, რამდენი ზედმეტი და უსარგებლო რამეა თქვენს ცხოვრებაში.
თევზები (19 თებერვალი - 20 მარტი)
თქვენი შრომისმოყვარეობა გარშემო მყოფებში შურს და აღფრთოვანებას იწვევს, თუმცა შაბათს შეგიძლიათ საკუთარ თავს სიზარმაცის უფლება მისცეთ. ვარსკვლავები გირჩევენ, რომ ახლობლებთან სამომავლო გეგმებზე საუბრისგან თავი შეიკავოთ - შესაძლოა, სწორად ვერ გაგიგონ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
