რას გვირჩევენ ვარსკვლავები 30 ივნისისთვის:

ვერძი (21 მარტი - 20 აპრილი)

მენეჯმენტი თქვენს ნაყოფიერ მუშაობას ღირსეულად დააფასებს და შესაძლოა, ხელფასის გაზრდით ან დაწინაურებით გაგახაროთ. პირად ურთიერთობებში სირთულეების ასაცილებლად ეცადეთ, პარტნიორზე მეტი იზრუნოთ, მისი განცდებით დაინტერესდეთ და გამოცდილება გაუზიაროთ.

კურო (21 აპრილი - 21 მაისი)

ამ დღეს მნიშვნელოვანი საუბარი ან დისკუსია გამოცდილებას შეგძენთ, რომელიც მალე გამოადგებათ. ეცადეთ, უსიამოვნო მოვალეობებს დადებითად მოეკიდოთ და რთული საკითხის გადაჭრის უჩვეულო გზა იპოვოთ. მეგობრის რჩევა რთული დ მტკივნეული პრობლემის მოგვარებაში დაგეხმარებათ.

ტყუპები (22 მაისი - 21 ივნისი)

სიურპრიზების დღეა, ამიტომ როგორც სასიამოვნო, ისე უსიამოვნო მოულოდნელობებისთვის მზად უნდა იყოთ. მოერიდეთ საშიშ ადგილებს და სარისკო მოქმედებებს. გავლენიან ადამიანებთან კამათს თავი აარიდეთ და განსახილველაად ნეიტრალური თემები შეარჩიეთ.

კირჩხიბი (22 ივნისი - 22 ივლისი)

ეცადეთ, ეს დღე დილიდან დაგეგმოთ. ეს ძალების დაზოგვასა და დაწყებული საქმეების დროულად დასრულებაში დაგეხმარებათ. ეცადეთ, გარშემო მყოფებთან ურთიერთობა შეზღუდოთ და საყვარელ ადამიანებთან რაც შეიძლება მეტი დრო გაატაროთ - ამით ოჯახურ ურთიერთობებს განამტკიცებთ.

ლომი (23 ივლისი - 23 აგვისტო)

დაძაბული დღეა. შესაძლოა, სტრესულ სიტუაციაში აღმოჩნდეთ, მაგრამ სიმშვიდე უნდა შეინარჩუნოთ და არ ინერვიულოთ, თუ გეგმები ბანქოს სახლივით თავზე დაგენგრევათ. გახსოვდეთ, რომ საინტერესო შესაძლებლობები რთულ სიტუაციაშიც კი შეიძლება ნახოთ. გირჩევთ, ჯანმრთელობის მდგომარეობა მუდმივად აკონტროლოთ და თუ საჭიროა, პროფილაქტიკური მკურნალობის კურსი დაიწყოთ.

ქალწული (24 აგვისტო - 23 სექტემბერი)

ამ დღეს დამკვირვებლის პოზიციას უნდა დასჯერდეთ. მოვლენების მიმდინარეობაში ნუ ჩაერევით, სანამ იღბლიან შანსს არ დაინახავთ. ხიფათიანი დღეა, ამიტომ მჭრელ საგნებთან და ცეცხლთან ფრთხილად უნდა იყოთ. თუ გადაკრულად ნათქვამ სიტყვებს და ემოციებს დააკვირდებით, ნათქვამის ფარულ მნიშვნელობას მიხვდებით.

სასწორი (24 სექტემბერი - 23 ოქტომბერი)

გახსოვდეთ, რომ ოჯახში დაძაბული ვითარება შეიძლება გულწრფელი საუბრით და საყვარელი ადამიანების მიმართ გამოჩენილი მზრუნველობით განმუხტოთ. ცვლილებებისთვის არახელსაყრელი დღეა, ამიტომ ცოტა ხნით მოცდა ჯობს. ეცადეთ, ემოციები აკონტროლოთ.

მორიელი (24 ოქტომბერი - 22 ნოემბერი)

ემოციურად რთული დღეა. საყვარელ ადამიანთან კონფლიქტი თქვენს ურთიერთობას სერიოზულად დააზარალებს. ეცადეთ, თანამოსაუბრის მიმართ თავაზიანობა და ინტერესი გამოიჩინოთ. მოერიდეთ ნაჩქარევი გადაწყვეტილებების მიღებას - სანამ რამეს გააკეთებთ, მოსალოდნელი შედეგი კარგად უნდა გათვალოთ.

მშვილდოსანი (23 ნოემბერი - 21 დეკემბერი)

ახლობელ ადამიანებთან უშედეგო კამათს ჯობს, ეს დღე მარტოობაში გაატაროთ და საყვარელი საქმე აკეთოთ. თუ თქვენი ურთიერთობა მაინც კამათში გადაიზარდა, ეცადეთ, დაძაბულობა იუმორით და პოზიტიური განწყობით განმუხტოთ. უარი თქვით სარისკო შეთავაზებებზე, რომ ფინანსური ზარალი თავიდან აიცილოთ.

თხის რქა (22 დეკემბერი - 20 იანვარი)

რთულ სიტუაციაში ისე უნდა იმოქმედოთ, როგორც ინტუიცია გიკარნახებთ. ხელსაყრელი დღეა მოკავშირეებისა და ახალი პარტნიორების მოსაძებნად. თუ რაღაც პირველ ცდაზე არ გამოდის, მეორედ უნდა სცადოთ. თქვენი მონდომება და მიზანსწრაფულობა აუცილებლად დაჯილდოვდება.

 მერწყული (21 იანვარი - 18 თებერვალი)

ეცადეთ, საყვარელი ადამიანების მიმართ კეთილგანწყობა გამოიჩინოთ, თუნდაც იმედები გაგიცრუონ. გახსოვდეთ, რომ იდეალური ადამიანი არ არსებობს, ამიტომ ეცადეთ, საყვარელი ადამიანის მანკიერი მხარეები მეტისმეტად არ აკრიტიკოთ. საკუთარი სიტყვების გამო შეიძლება მალე ინანოთ.

თევზები (19 თებერვალი - 20 მარტი)