USD 2.7503
EUR 3.1249
RUB 3.3429
Tbilisi
ასტროლოგი - რას გვპირდება 1 აპრილი?
Date:  1091

რას გვირჩევენ ვარსკვლავები 1 აპრილისთვის:

ვერძი (21 მარტი - 20 აპრილი)

საინტერესო და მოულოდნელობებით სავსე დღეა. ნურაფერს დაგეგმავთ - ვარსკვლავები ისეთ სიურპრიზებს გიმზადებენ, რომ გეგმების შეცვლა მოგიწევთ. ინტუიციურად იმოქმედეთ და ცვლილებების ნუ შეგეშინდებათ. საყვარელ ადამიანთან გულწრფელი საუბარი ურთიერთობებში გაჩენილი წინააღმდეგობის დაძლევაში დაგეხმარებათ. უმჯობესია შოპინგი სამომავლოდ გადადოთ - ამ დღეს ნაყიდი ნივთები იმედებს სწრაფად გაგიცრუებთ.

კურო (21 აპრილი - 21 მაისი)

ამ დღეს ეცადეთ, პროფესიული მოვალეობები კეთილსინდისიერად შეასრულოთ, რათა დამსაქმებლისგან შენიშვნა არ დაიმსახუროთ. გაითვალისწინეთ, რომ ეს თქვენს კარიერულ პოზიციაზე არასახარბიელოდ აისახება. შესაძლოა, ვიღაცამ ძალიან დაგაინტერესოთ და მოგხიბლოთ. თუ თქვენი სიმპათიები ორმხრივია, ეცადეთ, ურთიერთობა განავითაროთ.

ტყუპები (22 მაისი - 21 ივნისი)

შექმნილი გარემოებების გამო შესაძლოა, ისეთ რთულ ვითარებაში აღმოჩნდეთ, რომ სხვისი დადგენილი წესებით მოქმედება მოგიწიოთ. ნუ ინერვიულებთ, ეცადეთ, სასარგებლო გამოცდილება მიიღოთ. ვარსკვლავები გირჩევენ, რომ ვირტუალური ურთიერთობების ნაცვლად, ყურადღება რეალურ ადამიანებზე გადაიტანოთ და სასიამოვნო ემოციები მიიღოთ.

კირჩხიბი (22 ივნისი - 22 ივლისი)

სიახლეების, ექსპერიმენტებისა და სარისკო აქტივობებისთვის არახელსაყრელი დღეა, ამიტომ ფრთხილად იყავით. თუ გარშემო მყოფ ადამიანებს ყურადღებით მოუსმენთ, შეიძლება თქვენთვის მნიშვნელოვან კითხვებზე პასუხი მიიღოთ. გათავისუფლდით ურთიერთობებისგან, რომლებიც ცხოვრებაში ხელს გიშლით.

ლომი (23 ივლისი - 23 აგვისტო)

ბიზნესპარტნიორებთან და კონკურენტებთან ურთიერთობა შეიძლება გართულდეს და დაიძაბოს. ეცადეთ, თქვენი საუკეთესო თვისებები გამოავლინოთ. თუ დახმარება გჭირდებათ, ეცადეთ, საქმის მცოდნე ადამიანებს დაუკავშირდეთ და მათგან ღირებული რჩევა მიიღოთ. არაფრისმომცემ საუბრებზე დროს ნუ დაკარგავთ - ერთიც და მეორეც გაცილებით მნიშვნელოვანი საქმეებისთვის დაგჭირდებათ.

ქალწული (24 აგვისტო - 23 სექტემბერი)

გირჩევთ, რთული და სტრესული დღისთვის მოემზადოთ. 1-ელ აპრილს სტრესის დაძლევა და უსიამოვნო საკითხების მოგვარება მოგიწევთ. შესაძლოა, საინტერესო იდეა გეწვიოთ, რომელსაც სურვილის შემთხვევაში, წარმატებით განახორციელებთ. გახსოვდეთ, რომ მნიშვნელოვან დავალებაზე მუშაობის დროს ურთიერთობები მაქსიმალურად უნდა შეზღუდოთ და განმარტოვდეთ, რათა ყურადღება არ გაგეფანტოთ.

სასწორი (24 სექტემბერი - 23 ოქტომბერი)

ეცადეთ, ცუდზე არ იფიქროთ და დილიდან კარგი განწყობა შეიქმნათ. წინააღმდეგ შემთხვევაში, ვერცერთი საქმის ბოლომდე მიყვანას ვერ შეძლებთ. რთული პროექტების დაწყება სამომავლოდ გადადეთ, რათა დამატებითი დაბრკოლებების გადალახვა არ მოგიწიოთ. თუ ეცდებით, შეიძლება თქვენს მრავალმხრივ ნიჭს უამრავი გამოყენება მოუძებნოთ, თუმცა ზოგადად, ეცადეთ, ღრუბლებიდან მიწაზე დაეშვათ და რეალურად იაზროვნოთ.

მორიელი (24 ოქტომბერი - 22 ნოემბერი)

ხელსაყრელი დღეა შერიგებისა და გაწყვეტილი კავშირების აღდგენისთვის. ეცადეთ, საჭირო სიტყვები იპოვოთ და საყვარელ ადამიანთან გულწრფელად ისაუბროთ. თუ საჭიროა, კომპრომისზე წასვლა და დათმობაც უნდა შეძლოთ. ვარსკვლავები გირჩევენ, თქვენ გარშემო განვითარებულ მოვლენებს ყურადღებით დააკვირდეთ და ადამიანებს თქვენით მანიპულირების საშუალება არ მისცეთ.

მშვილდოსანი (23 ნოემბერი - 21 დეკემბერი)

საინტერესო, მოვლენებით დატვირთული დღეა. პროფესიული საქმიანობის დროს სიფრთხილე უნდა გამოიჩინოთ და წინასწარ შედგენილ გეგმას მიჰყვეთ, რათა შეცდომა არ დაუშვათ. ვარსკვლავები გირჩევენ, დახმარებაზე უარი არ თქვათ და ზოგი პასუხისმგებლობა კოლეგებს ან თანაშემწეებს გაუნაწილოთ. გარშემო მყოფი ადამიანები პოზიტიური განწყობის შენარჩუნებასა და სამუშაოს უფრო სწრაფად შესრულებაში დაგეხმარებიან.

თხის რქა (22 დეკემბერი - 20 იანვარი)

სირთულეების მიუხედავად, შეიძლება ამ დღეს ძველი ოცნების ასრულება შეძლოთ. რთული ამოცანები ნუ შეგაშინებთ - მიღებული გამოცდილება მომავალ საქმიანობაში გამოგადგებათ. გეგმების შეცვლა და სხვა ადამიანების საქმეებზე ფიქრი მოგიწევთ. შეეცადეთ, პრობლემა სწრაფად მოაგვაროთ და საკუთარ პასუხისმგებლობებს დაუბრუნდეთ.

 მერწყული (21 იანვარი - 18 თებერვალი)

რთული დღეა. შესაძლოა, უსიამოვნო სიტუაციაში აღმოჩნდეთ და გარშემო მყოფებთან კამათი მოგიწიოთ. ნუ დანებდებით, თუ რაღაც პირველივე ცდაზე არ გამოვიდა. ახლობელ ადამიანებთან საუბარმა შეიძლება განწყობა გაგიფუჭოთ, მაგრამ ეცადეთ, სიმშვიდე შეინარჩუნოთ. ნებისმიერ, თუნდაც ყველაზე მაცდურ შეთავაზებას დაუფიქრებლად არ უნდა დათანხმდეთ - გამორიცხული არ არის, რომ ვიღაც თქვენთვის მახეს დაგებას ცდილობს

თევზები (19 თებერვალი - 20 მარტი)

სავარაუდოდ, სამსახურში სირთულეებთან გამკლავება მოგიწევთ. მთავარია, საკუთარი თავის რწმენა არ დაკარგოთ და ყველაფერი გამოგივათ. ეცადეთ, ურთიერთობებში მეტი სიფრთხილე და წინდახედულობა გამოიჩინოთ, რადგან შეიძლება, თქვენმა მახვილგონივრულმა შენიშვნებმა ვიღაც გაანაწყენოს და პრობლემები შეგიქმნათ.

culture
კულტურის სამინისტრომ დათო დოიაშვილი თეატრის ხელმძღვანელის თანამდებობიდან გაათავისუფლა

კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. შესაბამის განცხადებას საქართველოს კულტურის სამინისტრო ავრცელებს.

კულტურის სამინისტრო გადაწყვეტილების მიზეზებს განმარტავს და აცხადებს, რომ სამინისტროს მხრიდან "არაერთგზის გაფრთხილების" მიუხედავად, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ "ვალდებულებას არ ასრულებდა", ხოლო თეატრში შემოქმედებითი პროცესი თვეების მანძილზე შეჩერებული იყო.

“ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრი” არის სახელმწიფოს მიერ დაფუძნებული საჯარო სამართლის იურიდიული პირი.

სახელმწიფო პროფესიული თეატრი, ისევე, როგორც ნებისმიერი სხვა სსიპ-ი ანგარიშვალდებულია და აქვს კანონით დაკისრებული მოვალეობა, აღასრულოს მიზნები, რისთვისაც სახელმწიფომ დააფუძნა.

კერძოდ, თეატრში შემოქმედებითი საქმიანობა უნდა ხორციელდებოდეს ისევე უწყვეტად, როგორც სახელმწიფო ბიუჯეტიდან მისი დაფინანსება ხორციელდება.

საქართველოს კულტურის სამინისტროს მხრიდან არაერთგზის გაფრთხილების მიუხედავად, სამწუხაროდ, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ ამ ვალდებულებას არ ასრულებდა. სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო.

აქედან გამომდინარე, კულტურის სამინისტრომ, როგორც სსიპ “ვასო აბაშიძის სახელობის მუსიკისა და დრამის თეატრის” დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის, დავით დოიაშვილის თანამდებობიდან გათავისუფლების შესახებ”, - აღნიშნულია განცხადებაში.

See all
Survey
ვინ გაიმარჯვებს რუსეთ - უკრაინის ომში?
Vote
By the way