Covid 19-გან სრულად ვაქცინირებულ პირებს ღია სივრცეში და შენობებში ნიღბის ტარება აღარ დასჭირდებათ და მათ სოციალური დისტანცირების ვალდებულებაც მოეხსნა. ამის შესახებ CNN იუწყება.
როგორც თეთრ სახლში გამართულ ბრიფინგზე აშშ-ის დაავადებათა კონტროლის ცენტრის ხელმძღვანელმა როშელ ვალენსკიმ განაცხადა, „ეს ადამიანები ცხოვრების ნორმალურ რეჟიმს დაუბრუნდებიან”.
ვალენსკის განცხადებით, ეს გადაწყვეტილება აშშ-ში და ისრაელში ჩატარებული კვლევების შედეგად იყო მიღებული, რომლის მიხედვით, „ვაქცინები მუშაობს“.