,
შეერთებულ შტატებში აგვისტოს შემდეგ კორონავირუსისგან 15 000-ზე მეტი წაულა დაიხოცა, - ამის შესახებ ინფორმაციას Guardian-ი აშშ-ის სოფლის მეურნეობის სექტორის ოფიციალურ წარმომადგენლებზე დაყრდნობით ავრცელებს.
მათივე ინფორმაციით, წაულების დაღუპვის შემთხვევების გამოკვლევის დასრულებამდე ათობით ფერმაში კარანტინია გამოცხადებული.
აშშ-ის იმ შტატებში, სადაც წაულების კოვიდ 19-ით დაინფიცირების ფაქტები გამოვლინდა, აცხადებენ, რომ ისინი ცხოველების დახოცვას არ აპირებენ და დანიაში არსებულ სიტუაციას აკვირდებიან.
ცნობისათვის, დანიის მთავრობამ რამდენიმე დღის წინ განაცხადა, რომ ქვეყანაში მილიონობით წაულას მოკვლა იგეგმება, რადგან არსებობს ვარაუდი, რომ კორონავირუსით დაინფიცირებულმა ამ ცხოველმა შესაძლოა, ადამიანისთვის ვაქცინის შექმნას შეუშალოს ხელი. მიზეზი წაულებში ახალი კორონავირუსის მუტაცია და ვირუსის მუტირებული ფორმის წაულებიდან ადამიანებზე გადასვლაა.
