,
ამერიკის შეერთებული შტატების ვიცე-პრეზიდენტი კამალა ჰარისი აცხადებს, რომ ჩინეთი, რომელიც სამხრეთ ჩინეთის ზღვის დიდ ნაწილზე პრეტენზიას აცხადებს, იძულებასა და დაშინებას განაგრძობს.
„ვიცით, რომ პეკინი განაგრძობს იძულებას, დაშინებას და პრეტენზიებს სამხრეთ ჩინეთის ზღვის უმეტეს ნაწილზე. ეს უკანონო პრეტენზიები უარყოფილია 2016 წლის საარბიტრაჟო გადაწყვეტილებით და პეკინის ქმედებები კვლავაც ძირს უთხრის წესებზე დაფუძნებულ წესრიგს და საფრთხეს უქმნის ქვეყნების სუვერენიტეტს“, - აღნიშნა ჰარისმა სინგაპურში ვიზიტის დროს სიტყვით გამოსვლისას.
ცნობისათვის, კამალა ჰარისი 7-დღიანი ვიზიტით სინგაპურსა და ვიეტნამს სტუმრობს. ორშაბათს, ჰარისმა სინგაპურში ვიზიტი პრემიერ - მინისტრ ლი სიან ლუნისთან შეხვედრით დაიწყო.
„პარტნიორობა სინგაპურში, სამხრეთ-აღმოსავლეთ აზიასა და მთელს ინდო-წყნარი ოკეანის რეგიონში არის შეერთებული შტატების მთავარი პრიორიტეტი", - განაცხადა ჰარისმა პრემიერ-მინისტრთან შეხვედრის შემდეგ და დასძინა, რომ რეგიონი „კრიტიკულად მნიშვნელოვანია აშშ-ის უსაფრთხოებისა და კეთილდღეობისთვის".
Reuters-ი წერს, რომ ვიზიტის დროს ჰარისის ერთ-ერთი ამოცანა იქნება რეგიონის ლიდერების იმაში დარწმუნება, რომ სამხრეთ-აღმოსავლეთ აზიის მიმართ აშშ-ის ვალდებულება მტკიცეა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
