აშშ-ს სახელმწიფო მდივნის, მაიკ პომპეოს თქმით, ტრამპის ადმინისტრაცია განიხილავს ჩინური სოციალური მედიის, TikTok-ის დაბლოკვას ამერიკის ტერიტორიაზე, რისი მიზეზიც შესაძლოა, იყოს ოფიციალური პეკინის მიერ აღნიშნული აპლიკაციის გამოყენება ხალხზე თვალთვალისა და პროპაგანდირებისთვის. - ამის შესახებ ქვეყის სახელმწიფო მდივანმა Fox News-თან ინტერვიუში განაცხადა.
მაიკ პომპეოს განმარტებით, აშშ-ს ამ თემისადმი სერიოზული დამოკიდებულება აქვს. მისივე თქმით, ეს პროგრამები მომხმარებლებმა მხოლოდ იმ შემთხვევაში უნდა გადმოწეროს, თუ სურთ, რომ საკუთარი პირადი მონაცემები ჩინეთის კომუნისტურ პარტიას ჩაუვარდეს ხელში.
30 ივნისს ცნობილი გახდა, რომ ინდოეთმა TikTok-ი და ათობით სხვა ჩინური აპლიკაცია აკრძალა.