,
აშშ-მა კოლუმბიის პრეზიდენტი და მისი მხარდამჭერები დაასანქცირა. ამის შესახებ განცხადებას აშშ-ის სახაზინო დეპარტამენტი ავრცელებს.
განცხადების თანახმად, სახაზინო დეპარტამენტმა კოლუმბიის პრეზიდენტი, გუსტავო ფრანცისკო პეტრო ურეგო (გუსტავო პეტრო) დაასანქცირა, ნარკოტიკებთან ბრძოლის ორგანოების მოთხოვნების შესაბამისად. ასევე დასანქცირებულია გუსტავო პეტროს რამდენიმე მხარდამჭერი, მისი მეუღლე, მისი ვაჟი.
„მას შემდეგ, რაც გუსტავო პეტრო ხელისუფლებაში მოვიდა, კოლუმბიაში კოკაინის წარმოება ათწლეულების უმაღლეს მაჩვენებლებამდე გაიზარდა, მასობრივად შემოვიდა შეერთებულ შტატებში და ამერიკელებს წამლავს. პრეზიდენტმა პეტრომ ნარკოკარტელებს აყვავების საშუალება მისცა და ამ აქტივობის შეჩერებაზე უარი თქვა. დღეს პრეზიდენტი ტრამპი ძლიერ ნაბიჯს დგამს, რათა დაიცვას ჩვენი ერი და ნათელი გახადოს, რომ ჩვენ არ შევეგუებით ჩვენს ქვეყანაში ნარკოტიკების ტრაფიკს“, - ნათქვამია განცხადებაში.
ირანის სასამართლოს განცხადებით, ერფან სოლტანის სიკვდილით დასჯა არ აქვს მისჯილი, - ინფორმაციას The Guardian-ი ირანის სახელმწიფო მედიაზე დაყრდნობით ავრცელებს.
ირანის სასამართლოს ცნობით, 10 იანვარს საპროტესტო აქციებზე დაკავებული 26 წლის ერფან სოლტანი ქარაჯის ცენტრალურ სასჯელაღსრულების დაწესებულებაში იმყოფება.
სასამართლოს განცხადებით, სოლტანის ბრალი წაუყენეს „ქვეყნის შიდა უსაფრთხოების წინააღმდეგ შეთქმულებისა და რეჟიმის წინააღმდეგ პროპაგანდული საქმიანობისთვის“.
სასამართლოს განცხადებაში აღნიშნულია, რომ მსგავს ბრალდებებზე სიკვდილით დასჯა არ ვრცელდება.
მანამდე, სოლტანის ოჯახმა ინფორმაცია გაავრცელა, რომ ერფანის სიკვდილით დასჯა გადაიდო.
