,
აშშ-მ კიდევ ექვს გემს, რომლებსაც ვენესუელური ნავთობი გადააქვთ, ახალი სანქციები დაუწესა.
მედიის ინფორმაციით, სანქციები ასევე დაეკისრა ვენესუელის პრეზიდენტ ნიკოლას მადუროს რამდენიმე ნათესავს, რომლებიც ვაშინგტონის მტკიცებით, დაკავშირებული არიან მის არალეგიტიმურ რეჟიმთან.
აშშ-ის ფინანსთა მინისტრმა, სკოტ ბესენტმა X-ზე გამოქვეყნებულ პოსტში განაცხადა, რომ მადუროს ცოლის სამი ძმისშვილის, ასევე რიგი ბიზნეს კომპანიებისა და გემების მიმართ სანქციების დაწესება წინააღმდეგობას გაუწევს ლიდერის „დიქტატორულ და სასტიკ კონტროლს“.
„რეჟიმს და მის წრეს პასუხს ვაგებინებთ მათი დანაშაულებისთვის“, - აღნიშნა ბესენტმა.
გუშინ ცნობილი გახდა, რომ შეერთებულმა შტატებმა ვენესუელას სანაპიროსთან სანქცირებული ნავთობტანკერი დააკავა. ვენესუელას მთავრობამ ეს ნაბიჯი ქურდობად და საერთაშორისო მეკობრეობის აქტად შეაფასა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
