,
რუსეთის მიერ ნატო-ს საჰაერო სივრცეში შეჭრა მიუღებელია, - ამის შესახებ აშშ-ის თავდაცვის მდივანმა, პიტ ჰეგსეტმა ესტონელ კოლეგასთან, ჰანო პევკურთან სატელეფონო საუბრის შემდეგ განაცხადა.
პიტ ჰეგსეტის განცხადებით, რუსეთის მიერ ესტონეთის საჰაერო სივრცის დარღვევის შესახებ ესტონეთის თავდაცვის მინისტრთან, ჰანო პევკურთან „მნიშვნელოვანი სატელეფონო საუბარი ჰქონდა“.
„ომის დეპარტამენტი ესტონეთს სოლიდარობას უცხადებს“, - წერს ჰეგსეტი X-ზე.
ამასთან, პენტაგონის ცნობით, აშშ სიტუაციის მონიტორინგს აგრძელებს.
უკრაინის პრეზიდენტი ვოლოდიმირ ზელენსკი ევროპის პოლიტიკური გაერთიანების სამიტზე დასასწრებად სომხეთის დედაქალაქ ერევანში ჩავიდა, - ინფორმაციას უკრაინული მედია პრეზიდენტის პრესსპიკერზე სერგეი ნიკიფოროვზე დაყრდნობით ავრცელებს.
ნიკიფოროვის განცხადებით, იგეგმება უკრაინის პრეზიდენტის შეხვედრა ნორვეგიის, ფინეთის, გაერთიანებული სამეფოს და ჩეხეთის პრემიერ-მინისტრებთან.
პრეზიდენტის პრესსპიკერის თქმით, სამიტი ორდღიანია და შესაბამისად, ორმხრივი და მრავალმხრივი შეხვედრები ღონისძიების მეორე დღესაც გაგრძელდება.
