,
მსოფლიოს უმსხვილესი საინვესტიციო ჰოლდინგის, Berkshire Hathaway-ს ვიცე-თავმჯდომარე და ლეგენდარული უორენ ბაფეტის უახლოესი ბიზნესპარტნიორი, ჩარლი მანგერი აცხადებს, რომ ამერიკის შეერთებული შტატების მთავრობამ ჩინეთის მაგალითი უნდა გაითვალისწინოს და კრიპტოვალუტები სრულად აკრძალოს.
„კრიპტოაქტივი რეალურად არ არის არც ვალუტა, არც ფასიანი ქაღალდი და არც საქონელი. ეს კაზინოს მსგავსი გემბლინგისთვის შექმნილი თამაშია, რომელშიც წაგების შანსი თითქმის 100%-ია.
ზოგადად, გემბლინგი ყველა სახელმწიფოში მკაცრადაა რეგულირებული ან სულაც აკრძალული, გამონაკლისი არც კრიპტო არ უნდა იყოს. აშშ-ის მთავრობამ დაუყოვნებლივ უნდა აამოქმედოს ახალი ფედერალური კანონი, რომელიც კრიპტოვალუტების გამოყენებას და ვაჭრობას სრულად აკრძალავს.
ჩინეთის კომუნისტური პარტიის ლიდერს, სი ძინპინს მადლობას უნდა ვუხდიდეთ, რომ ქვეყანაში კრიპტოვალუტები აკრძალა. ჩინეთის ეს შესანიშნავი მაგალითი ამერიკის მთავრობამაც აუცილებლად უნდა გაითვალისწინოს“, - ამბობს 99 წლის ინვესტორი.
ჩარლი მანგერის პოზიციას იზიარებს მისი პარტნიორი, უორენ ბაფეტიც. მისი განცხადებით, კრიპტოვალუტა ყველაზე ცუდი გამოგონებაა, რომელიც კაცობრიობის ისტორიაში შექმნილა - ის თაღლითებს არნახულ შესაძლებლობებს აძლევს, მოსახლეობას კი განუზომელი ფინანსური რისკების წინაშე აყენებს.
აღსანიშნავია, რომ უორენ ბაფეტისა და ჩარლი მანგერის ხელმძღვანელობით Berkshire Hathaway პლანეტის ერთ-ერთი ყველაზე წარმატებულ საინვესტიციო ჰოლდინგად იქცა, რომლის საბაზრო კაპიტალიზაცია ამჟამად 687 მილიარდ დოლარს შეადგენს.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
