,
საქართველოში აშშ-ის ელჩის, კელი დეგნანის რეზიდენციაში ხელისუფლების წარმომადგენლებსა და ოპოზიციას შორის საარჩევნო საკითხთან დაკავშირებით მოლაპარაკების მესამე რაუნდი მიმდინარეობს. შეხვედრას, რომელიც ცოტა ხნის წინ დაიწყო, ესწრებიან ფასილიტატორი ელჩები. „ქართული ოცნების" მხრიდან ელჩის რეზიდენციაში მიმდინარე შეხვედრას პარტიის აღმასრულებელი მდივანი ირაკლი კობახიძე ესწრება, რომელმაც განაცხადა, რომ დეტალებზე შეხვედრის დასრულების შემდეგ ისაუბრებს.
პარტია „მოქალაქეების“ ლიდერმა, ალეკო ელისაშვილმა კი განაცხადა, რომ „ქართულმა ოცნებამ“ მნიშვნელოვანი რაღაცები უნდა დათმოს.
„მაშინ მოლაპარაკებას აზრი საერთოდ არ ექნებოდა. მაშინ, ტყუილად არც ჩვენ უნდა ვწვალობდეთ, არც „ქართული ოცნება" და არც ელჩები. ამდენად, შეიძლება ვერაფერზე ვერ შევთანხმდეთ და ასე დავიშალოთ და ჩვენ ჩვენს გზას გავუყვეთ, მაგრამ გარკვეული იმედი არის, რომ რაღაც შეთანხმებას მივაღწევთ", - განაცხადა ალეკო ელისაშვილმა.
კითხვაზე, აქვს თუ არა პლებისციტის ჩატარების იმედი, ალეკო ელისაშვილის პასუხობს, რომ წინასწარ ვერ ილაპარაკებს.
„ისინი მოდიან თავიანთი წინადადებით, ჩვენ ჩვენი წინადადებით", - განაცხადა ელისაშვილმა და დასძინა, რომ ოპოზიციამ „ქართული ოცნებისგან" წერილობით პასუხი მიიღო.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
