,
მინდა მივულოცო ევროკავშირს, იმ გაწეული შრომისთვის, რომლითაც გაფართოების პროცესში მხარი დაუჭირა საქართველოს - ევროკავშირმა განახორციელა ძალიან მნიშვნელოვანი საქმიანობა და ძალიან ბევრი იმუშავა, რათა ეს მომხდარიყო ,- ამის შესახებ აშშ-ის ელჩმა საქართველოში რობინ დანიგენმა ორბელიანის სასახლესთან სიტყვით გამოსვლისას განაცხადა.
მისივე თქმით, ამერიკის შეერთებული შტატები, ევროკავშირთან, პრეზიდენტთან, მთავრობასთან და ხალხთან ერთად გააგრძელებს მუშაობს, რათა მოხდეს საქართველოს ხალხის სრული პოტენციალის გამჟღავნება ევროკავშირში წევრობისას.
„დიდი მადლობა, პრეზიდენტო, დიდი მადლობა ელჩო, საქართველო. ამერიკის შეერთებული შტატები ნამდვილად გიგზავნით ყველზე გულწრფელ და თბილ მოლოცვებს საქართველოს თითოეულ მოქალაქეს. ეს მიღწევა ნამდვილად მნიშვნელოვანია. მივესალმებით ევროკომისიის გადაწყვეტილებას საქართველოს სტატუსზე, თქვენთან ერთად ვზეიმობთ ამ მნიშვნელოვან ნაბიჯს, რომელიც გადაიდგა ევროკავშირის მიმართულებით და ევროატლანტიკური ინტეგრაციის მიმართულებით.
მინდა მივულოცო ევროკავშირს, იმ გაწეული შრომისთვის, რომლითაც გაფართოების პროცესში მხარი დაუჭირა საქართველოს. ევროკავშირმა განახორციელა ძალიან მნიშვნელოვანი საქმიანობა და ძალიან ბევრი იმუშავა, რათა ეს მომხდარიყო. მინდა ხაზი გავუსვა, რომ ამერიკის შეერთებული შტატები, ევროკავშირთან, პრეზიდენტთან და მთავრობასთან, ხალხთან ერთად განაგრძობს მუშაობს, რათა მოხდეს საქართველოს ხალხის სრული პოტენციალის გამჟღავნება ევროკავშირში წევრობისას.
პრეზიდენტმა ისაუბრა იმ ქართველებზე, რომლებმაც მსხვერპლი გაიღეს სახელმწიფოსთვის. დღეს ვეტერანთა დღეა შეერთებულ შტატებში, როდესაც პატივს მივაგებთ ჩვენს ჯარისკაცებს, საქართველოს ჯარისკაცებმაც გაიღეს მსხვერპლი შეერთებული შტატების მისიებში და ამისთვისაც მადლობას ვუხდი საქართველოს.
პრეზიდენტმა ასევე ისაუბრა გაზიარებულ ისტორიასა და გაზიარებულ ფასეულობებზე. ჩვენ, ასევე ვსაუბრობთ გაზიარებულ მომავალზე. გვიყვარს საქართველო, ევროკავშირი, ამიტომ უნდა გვქონდეს ერთიანი მომავალი. ეს ყველასთვის დიდი დღეა, ჩვენთვის, ტრანსატლანტიკური საზოგადოებისთვის“,-აღნიშნა ელჩმა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
