,
ამერიკის შეერთებული შტატების პრეზიდენტი, დონალდ ტრამპი ინდოეთს შურისძიებით ემუქრება იმ შემთხვევაში თუ ჰიდროქსიქლოროქინის ექსპორტზე შეზღუდვებს დააწესებს.
შეგახსენებთ, რომ მას შემდეგ, რაც დონალდ ტრამპმა აღნიშნული პრეპარატი დაასახელა „თამაშის შემცვლელად“ კორონავირუსთან ბრძოლაში, ინდოეთის ხელისუფლების გადაწყვეტილებით აიკრძალა ზემოხსენებული წამლის გაყიდვა ქვეყნის ფარგლებს გარეთ.
დონალდ ტრამპმა თეთრ სახლში მიმდინარე პრეკონფერენციის დროს განაცხადა, რომ მისი პასუხი იქნება გასაოცარი იმ შემთხვევაში, თუ წამლის შესყიდვასთან დაკავშირებით ამერიკის მიერ მოწოდების მოთხოვნაზე ინდოეთი უარით უპასუხებს. ტრამპის თქმით, იგი კვირას ესაუბრა ინდოეთის პრემიერ-მინისტრ მოდის წამლის ტრანსპორტირების საკითხზე. მან აგრეთვე აღნიშნა, რომ გაუკვირდება თუ გაიგებს, რომ პრეპარატის ექსპორტის აკრძალვის გადაწყვეტილება მიიღო ინდოეთის მთავრობის მეთაურმა- „ მე მას კვირას დილით ვესაუბრე და ვუთხარი, რომ ძალზე მადლიერი ვიქნებოდი თუ წამლით მოგვამარაგებდა, თუმცა გავოცდები თუ ამაზე ის უარს განაცხადებს, რაზეც რა თქმა უნდა სამაგიეროს გადავუხდით“.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
