ამ დღეებში გრიგალმა "ჰელენმა" ამერიკა ძალიან დააზარალა. - დაიღუპა 200-ზე მეტი ადამიანი, ასობით უგზო-უკვოდ არიან დაკარგულნი. ზარალი 100 მილიარდ დოლარზე მეტს შედაგენს.
ეს ბოლო წლების უძლიერესი სტიქიური უბედურებაა ქარიშხალ "კატრინას" შემდეგ, რომლის შედეგად 2005 წელს, როცა 1800-მდე ადამიანი დაიღუპა.
უბედურების ზონაში (ფლორიდა, ჯორჯია, სამხრ. და ჩრდ. კაროლინა, ვირჯინია) ჩავიდნენ ჯო ბაიდენი, დონალდ ტრამპი, კამალა ჰარისი.
დაზარალებულ შტატებში უკვე გაიგზავნა ფედერალური დახმარება - გამზადებული საკვების 8,8 მილიონი ულუფა, 74, მილიონი ლიტრი სასმელი წყალი, 159 მძლავრი გენერატორი და 220 კარავი. მოქალაქეებს გადაეცათ აგრეთვე ასობით მილიონი დოლარი.
როგორც აშშ-ის შიდა უსაფრთხოების სამინისტროს ხელმძღვანელმა ალეხანდრო მაიორკასმა განაცხადა, თუ უახლოეს თვეებში კიდევ რაიმე მსგავსი გრიგალი განმეორდება, ფედერალური ხელისუფლებას დახმარების გაწევა გაუჭირდება, რადგან რეზერვები სამყოფი არ არის.
არადა, ატლანტის ოკეანეში გრიგალთა სეზონი ნოემბრის ბოლომდე გრძელდება. ამჟამად ამერიკას კიდევ ორი ქარიშხალი ემუქრება, რომელთა ძალა ჯერ გამოთვლილი არ არის.
მეცნიერ-კლიმატოლოგთა აზრით, გრიგალთა გახშირება და მათი სიმძლავრის ზრდა პლანეტაზე გლობალური დათბობით არის გამოწვეული.
