,
სპორტისა და ჯანსაღი ცხოვრების წესის პოპულარიზაცია „არქისთვის“ კორპორაციული კულტურის განუყოფელ ნაწილსა და ერთ-ერთ პრიორიტეტულ მიმართულებას წარმოადგენს. კომპანია წლებია აქტიურად უჭერს მხარს სპორტის განვითარებასა და წარმატებულ ათლეტებს, რომელთა რიგებშიც არაერთი ჩემპიონია. ამჯერად „არქი“ თანამშრომლობას იწყებს ევროპისა და მსოფლიო ჩემპიონ მოფარიკავე სანდრო ბაზაძესთან.
„ჩვენთვის სპორტი მხოლოდ ფიზიკური აქტივობა არ არის - ეს განვითარების, მიზანდასახულობისა და გამარჯვების ფილოსოფიაა. სანდრო ბაზაძე სწორედ ის პიროვნებაა, რომლის შრომისმოყვარეობა და მიღწევები მთელ ქვეყანას აერთიანებს. გვიხარია, რომ „არქის“ ისტორია და სანდროს გზა საერთო ღირებულებებით იკვეთება“, - აცხადებენ კომპანიაში. თავად სანდრო ბაზაძისთვის, ეს კოლაბორაცია დამატებითი მოტივაციის წყაროა. სპორტსმენის თქმით, არქი არის მაგალითი იმისა, თუ როგორ გარდაიქმნება დაუღალავი შრომა და საკუთარი თავის რწმენა ლიდერობად. ორივე მხარეს აერთიანებს მაქსიმალისტური მიდგომა საქმისადმი და მიზნისკენ ბოლომდე სვლის სურვილი, რაც ახალი წარმატებების საწინდარია.
„არქის“ ისტორია 2006 წლიდან იწყება და უკვე 20 წელია, კომპანია ინოვაციური მიდგომებით ცვლის სტანდარტებს სამშენებლო ინდუსტრიაში. მიღწეული შედეგები გუნდისთვის მხოლოდ დასაწყისია - ისევე, როგორც სანდრო ბაზაძისთვის, რომელიც არასდროს ჩერდება და მუდმივად წინ მიიწევს.
ამ კოლაბორაციის მთავარი გზავნილია - „წარმატება, რომელიც გვაერთიანებს“. პარტნიორობის უმთავრესი მისია კი საზოგადოებაში საკუთარი შესაძლებლობების რწმენის, ჯანსაღი ცხოვრების წესისა და უწყვეტი თვითგანვითარების იდეის პოპულარიზებაა.
გერმანიის კანცლერმა, ფრიდრიხ მერცმა განაცხადა, რომ ირანი ამერიკის შეერთებულ შტატებს „ამცირებს“. მან გააკრიტიკა ვაშინგტონის მცდელობები, თავი დააღწიოს ომს, რომელშიც ის ყოველგვარი მკაფიო მიზნების დასახვის გარეშე ჩაება.
„ირანელები აშკარად ძალიან დახვეწილები არიან მოლაპარაკებებში, ან უფრო სწორად, ძალიან დახვეწილები არიან მოლაპარაკებების არწარმოებაში - ისინი აიძულებენ ამერიკელებს ჩავიდნენ ისლამაბადში და შემდეგ კვლავ ყოველგვარი შედეგის გარეშე წამოვიდნენ“, - განაცხადა მერცმა ცენტრალურ გერმანიაში, ქალაქ მარსბერგის ერთ-ერთ სკოლაში სტუმრობისას.
მან გააკრიტიკა ის, რასაც ამერიკული სტრატეგიის ნაკლებობა უწოდა და ერაყისა და ავღანეთის მაგალითებზე მიუთითა, როგორც გაფრთხილებაზე იმ ომებში ჩაბმის შესახებ, რომელთაც გამოსვლის სტრატეგია არ გააჩნიათ.
„ეს საქმე, რბილად რომ ვთქვათ, გაუაზრებელია“, - თქვა მერცმა. „ამ მომენტში მე ვერ ვხედავ, თუ რა სტრატეგიულ გამოსავალს ირჩევენ ახლა ამერიკელები“.
მან კიდევ ერთხელ დაადასტურა ბერლინის სურვილი, რომ ომი რაც შეიძლება მალე დასრულდეს, რათა თავიდან იქნას აცილებული მსოფლიო ეკონომიკის შემდგომი დაზიანება.
გერმანია იმ კოალიციის ნაწილია, რომელსაც ბრიტანეთი და საფრანგეთი ხელმძღვანელობენ და რომელიც მიზნად ისახავს ჰორმუზის სრუტეში გემების უსაფრთხო გადაადგილების უზრუნველყოფას მას შემდეგ, რაც მიღწეული იქნება ცეცხლის მუდმივი შეწყვეტა.
„ჩვენ შევთავაზეთ გერმანიიდან ნაღმსაწინააღმდეგო ხომალდების გაგზავნა, რათა დავეხმაროთ სრუტის ნაღმებისგან გათავისუფლებაში, რადგან ის აშკარად, სულ მცირე ნაწილობრივ მაინც, დანაღმულია“, - განაცხადა მან.
„ჩვენ შეგვიძლია დახმარების გაწევა, მაგრამ ჯერ საბრძოლო მოქმედებები უნდა დასრულდეს. ამჟამად მე ვერ ვხედავ, როგორ შეიძლება ამის განხორციელება უახლოეს მომავალში, რადგან ირანელები აშკარად იმაზე ძლიერები აღმოჩნდნენ, ვიდრე ეგონათ, ხოლო ამერიკელებს, როგორც ჩანს, დამაჯერებელი მოლაპარაკებების სტრატეგია არ გააჩნიათ“, - დასძინა მან.
