„არჩევნები თურქეთში და ტერორიზმთან ბრძოლა“ - «TRT-Türkiye Radyo Televizyon Kurumu» (თურქეთი)

„არჩევნები თურქეთში და ტერორიზმთან ბრძოლა“ - «TRT-Türkiye Radyo Televizyon Kurumu» (თურქეთი)

თარიღი:

თურქული სახელმწიფო ტელერადიოკომპანიის TRT-ის (Türkiye Radyo Televizyon Kurumu) ვებ-გვერდზე გამოქვეყნებულია სტატია სათაურით „არჩევნები თურქეთში და ტერორიზმთან ბრძოლა“, რომელშიც განხილულია საკითხი - გაგრძელდება თუ არა ქურთულ ტეროროზმთან ბრძოლა, თუ 14 მაისს, საპრეზიდენტო და საპარლამენტო არჩევნებში, ოპოზიცია გაიმარჯვებს?

„თურქეთის საარჩევნო მარათონი დასასრულს უახლოვდება. 14 მაისის საპრეზიდენტო და საპარლამენტო არჩევნები თურქეთისთვის კრიტიკული მნიშვნელობისაა: ალიანსების პოზიციები ბევრ თემაზე განსხვავებულია, თუმცა, ამ თემებს შორის ტერორიზმთან ბრძოლა, ალბათ, ერთ-ერთი ყველაზე მნიშვნელოვანი განსხვავებაა.

შეიძლება ვივარაუდოთ, რომ რეჯეფ ერდოღანის ისევ არჩევის შემთხვევაში ტერორიზმთან ბრძოლის პარადიგმა გაგრძელდება, მაგრამ იმ შემთხვევაში, თუ ქემალ ქილიჩდაროღლუ გაიმარჯვებს, ამ კონტექსტში სერიოზული გაურკვევლობა და შეშფოთებაა.

გთავაზობთ პოლიტიკური, ეკონომიკური და საზოგადოებრივი კვლევის ცენტრის SETA-ს საგარეო პოლიტიკის მკვლევარის, ჯან აჯუნის სტატიას, რომელშიც იგი წერს:

ახლო აღმოსავლეთში ძალაუფლების თამაშები ყოველთვის ყალიბდება კონფლიქტებისა და ქაოსის ტყვეობაში, თურქეთის კუთხითაც მსგავს სიტუაციაზეა შესაძლებელი საუბარი. როგორც რეგიონალური აქტორების, ისე გლობალური ძალების თვალსაზრისით, ტრადიციად იქცა ახლო აღმოსავლეთში ინტერესების დასაცავად მარიონეტების გამოყენება. ამ კონტექსტში შეიძლება ითქვას, რომ PKK-ს, როგორც ტერორისტული ორგანიზაციის თურქეთში გაჩენის შემდეგ კი სირიაში, ერაყსა და ირანში მის ქვეორგანიზაციების გაჩენა, ძალაუფლების ბრძოლის თურქეთთან დაკავშირებული ნაწილი წარმოიქმნა.

ტერორისტული ორგანიზაცია PKK, განსაკუთრებით ასადის რეჟიმთან დაკავშირებული კომუნიკაციების მიერ იყო ორგანიზებული და გამოყენებული თურქეთის წინააღმდეგ. ათწლეულების განმავლობაში ათასობით ადამიანი დაიღუპა ტერორიზმის გამო. ტერორისტული ორგანიზაციის სირიულმა სტრუქტურამ კი 2011 წელს ქვეყანაში სამოქალაქო ომით ისარგებლა და დაიწყო გაძლიერება და მოქმედება. მან შექმნა შეიარაღებული ნაწილები სირიაში YPG-ს სახელით, დაამყარა კონტროლი აფრინის, აინ ალ-არაბის და ჰასეკეს რეგიონებზე და იქ კანტონები დააარსა. PKK სირიაში განვითარებულ მოვლენებს დიდ შესაძლებლობად თვლიდა. როგორც KCK-ს სტრუქტურამ კანდილში, ასევე აბდულა ოჯალანმა იმრალიში და პოლიტიკურმა განშტოებებმა თურქეთში PYD/YPG როგორც მთავარი ამოსავალი წერტილი დაინახეს. თურქეთში „გადაწყვეტის პროცესის“ გამოყენებით ტერორისტულმა ორგანიზაციამ მთელი თავისი ენერგია სირიაში გადაიტანა.

2016 წლის 15 ივლისს თურქეთში გადატრიალების მცდელობის ერთ-ერთი განმსაზღვრელი ფაქტორი სირია იყო. თურქეთი მრავალი წლის განმავლობაში იბრძოდა რთულ რეგიონში სტაბილურობის შენარჩუნებით დიდ სახელმწიფოდ გადაქცევისთვის, ის ასევე ბოლო წლებში გადადგმული ნაბიჯებით ნაბიჯ-ნაბიჯ მიიწევს წინ გლობალური მოთამაშეობისკენ. ტერორიზმი ყოველთვის ჩნდებოდა იარაღად თურქეთის წინააღმდეგ, თურქეთის გლობალური ძალის იდეალის წინააღმდეგ. ამ კონტექსტში 15 ივლისის გადატრიალების მცდელობის მთავარ მიზნად, რომლის განხორციელებასაც FETÖ ცდილობდა, უნდა განიხილებოდეს, როგორც თურქეთის ახალი საგარეო პოლიტიკის შეცვლა და სირიაში არაფრისგან ტერორისტული სახელმწიფოს შექმნის ხელის შეშლის აღკვეთა.

თურქეთის მიერ 15 ივლისის შემდეგ კი პრეზიდენტ ერდოღანის მტკიცე პოლიტიკური ნებით, ახალი უსაფრთხოების დოქტრინით სირიაში საზღვრის მიღმა დიდი სამხედრო ოპერაციის დაწყება არსებითად არის პასუხი ამ ძალისხმევაზე. ამ კონტექსტში 15 ივლისი ჩვენს წინაშე დგას, როგორც დიდი ეტაპი. როგორც FETÖ-სგან უსაფრთხოების ბიუროკრატიის თაოსნობით სტრატეგიული ინსტიტუტების გაწმენდა, ასევე აქტიური ბრძოლა ტერორისტული ორგანიზაციების PKK/YPG-ს წინააღმდეგ, ახალ საუკუნეში ტერორიზმთან ბრძოლის ასპექტში ჩვენს წინაშე დგას, როგორც პოლიტიკის განმსაზღვრელი პარადიგმა, რომელიც გარდაქმნის თურქეთს გლობალურ ძალად. თურქეთში რთულ რეგიონში ის თამაშს წესების მიხედვით თამაშობს, რათა გადარჩეს რთულ რეგიონში.

აქედან გამომდინარე, თურქეთის ბრძოლა PKK/YPG-ს ტერორიზმთან არის ზეპოლიტიკური, ეროვნული უსაფრთხოების საკითხი. საჭიროა ოპოზიციამაც საკითხს ასე შეხედოს. თუმცა, ოპოზიციაში, რომელიც საკუთარ თავს ექვსეულის მაგიდას უწოდებს, ტერორიზმთან ბრძოლის განსხვავებული პერსპექტივები შეშფოთებას იწვევს. ის ფაქტი, რომ ქემალ ქილიჩდაროღლუ, რომელიც ასევე არის ეროვნული ალიანსის საპრეზიდენტო კანდიდატი, PKK-ს პოლიტიკურ განშტოება HDP/YSP-სთან თანამშრომლობს, ქმნის წარმოდგენას, რომ მისი მმართველობის შემთხვევაში ტერორიზმთან ბრძოლა შესუსტდება. ოპოზიციამ უნდა განმარტოს თავისი პოზიცია ამ საკითხთან დაკავშირებით და მიიღოს ქმედება, რომელიც ამ შეშფოთებას გააქარწყლებს.

წყარო: https://www.trt.net.tr/

კახა კალაძის განცხადებები 24 დეკემბრის თბილისის მთავრობის სხდომაზე

თბილისის მერიაში დედაქალაქის მთავრობის მორიგი სხდომა გაიმართა. დღის წესრიგით გათვალისწინებული საკითხების განხილვამდე, თბილისის მერმა კახა კალაძემ რამდენიმე განცხადება გააკეთა და 2026 წლის ბიუჯეტის პარამეტრებზე კიდევ ერთხელ გაამახვილა ყურადღება.

მისი თქმით, მომავალ წელს ფინანსები მიემართება იმ პროექტებისკენ, რომლებიც მოქალაქეების კეთილდღეობასა და კომფორტს ეხება, მთავარი პრიორიტეტები კი კვლავ ინფრასტრუქტურის განვითარება და ჯანდაცვის მიმართულება იქნება.

„გუშინ თბილისის საკრებულომ ქალაქის მთავარი ფინანსური დოკუმენტი - 2026 წლის ბიუჯეტი დაამტკიცა. ვისაც გახსოვთ, 2017 წელს, როდესაც ხელისუფლებაში მოვედით, ბიუჯეტის მოცულობა, დაახლოებით, 861 მლნ ლარს შეადგენდა. ამის შემდეგ თანდათანობით, დედაქალაქის ბიუჯეტი იზრდებოდა, რაც საშუალებას გვაძლევდა, ქალაქში ხელშესახები ცვლილებები განხორციელებულიყო. გამონაკლისი არ იქნება მომავალი წელიც. 2026 წლის ბიუჯეტის საერთო მოცულობა შეადგენს 2 193 388 700 ლარს, რომელიც 210 210 700 ლარით მეტია 2025 წლის დამტკიცებულ ბიუჯეტთან შედარებით“, - განაცხადა კახა კალაძემ.

მისივე თქმით, ბიუჯეტის შემოსავლების სტრუქტურა შემდეგნაირია: საკუთარი შემოსულობები – 1 533 357 600 ლარი; სახელმწიფო ბიუჯეტიდან მისაღები კაპიტალური სპეციალური ტრანსფერი – 630 000 000 ლარი; სხვა კაპიტალური გრანტები (სესხის ფარგლებში დასაფარი დღგ-ის ჩათვლით) – 25 480 000 ლარი; მიზნობრივი ტრანსფერი, დელეგირებული უფლებამოსილების განსახორციელებლად – 4 551 100 ლარი.

„მომავალ წელსაც პრიორიტეტული მიმართულება იქნება ინფრასტრუქტურის განვითარება, რადგან მიგვაჩნია, რომ ქალაქის ინფრასტრუქტურული ნაწილი - გზები, ხიდები, სკვერები, მუნიციპალური ტრანსპორტის მოწესრიგება და ა.შ., მნიშვნელოვანია. ყველაზე მეტ თანხას კი, რა თქმა უნდა, სოციალური და ჯანდაცვის მიმართულებით დავხარჯავთ, რადგან ჩვენთვის ამოსავალი წერტილი ადამიანი და მისი ჯანმრთელობის მდგომარეობაა, მით უმეტეს, თუ გავითვალისწინებთ იმას, რომ ყველაფერი, რაც ქალაქში კეთდება, კეთდება ჩვენი მოქალაქეების კეთილდღეობისა და კომფორტისთვის“, - აღნიშნა თბილისის მერმა.

ამასთან, კახა კალაძემ ყურადღება კიდევ ერთხელ გაამახვილა იმ მნიშვნელოვან და მასშტაბურ პროექტებზე, რომლებსაც მუნიციპალიტეტი 2026 წელს განახორციელებს.

„გუშინაც დეტალურად ვისაუბრეთ ბიუჯეტის პროექტის მიხედვით დაგეგმილ მსხვილ და ახალ პროექტებზე, თუმცა კიდევ ერთხელ გავიმეორებ, რომ მომავალი წელი აუცილებლად იქნება მნიშვნელოვანი ცვლილებების დასაწყისი, რადგან განხორციელდება: სადგურის მოედნისა და დადიანის ქუჩის დამაკავშირებელი საავტომობილო ხიდის პროექტირება/მშენებლობა; სკვერების მოწყობა/რეაბილიტაცია (მათ შორის დიღმის ჭალები, პირველი რესპუბლიკის პარკის რეაბილიტაცია); ე.წ. სამხედრო ქალაქის პარკის მოწყობა; ვაკის პარკის შადრევნების კასკადის რეაბილიტაცია; ოთხი საბავშვო ბაღის მშენებლობა; ავარიული სახლების ჩანაცვლება; ჭადრაკის სასახლის რეაბილიტაცია; სულხან-საბასა და ინგოროყვას ქუჩების რეაბილიტაცია (კომუნიკაციების ჩათვლით) და ბევრი სხვა პროექტი“, - აღნიშნა თბილისის მერმა.

კახა კალაძემ დღევანდელ სხდომაზე მხარდაჭერისთვის მადლობა გადაუხადა თბილისის საკრებულოს წარმომადგენლებს, ცენტრალურ ხელისუფლებას და უწყების თითოეულ თანამშრომელს.

„აქვე მინდა, ვისარგებლო შემთხვევით და მადლობა გადავუხადო თბილისის საკრებულოს წევრებს მხარდაჭერისთვის. დიდი მადლობა ცენტრალურ ხელისუფლებას, პრემიერ-მინისტრს, ფინასთა მინისტრს, რადგან მათი თანადგომის გარეშე შეუძლებელი იქნებოდა უკვე განხორციელებული თუ დაგეგმილი პროექტების ბოლომდე მიყვანა. მადლობას ასევე იმსახურებენ ჩვენი უწყების თანამშრომლები, რადგან მათი დაუღალავი შრომისა და ერთგულების გარეშე, წარმატებაზე საუბარი წარმოუდგენელია.

მუნიციპალიტეტის თითოეული თანამშრომელი საკუთარ აგურს დებს ქალაქის აღმშენებლობის საქმეში, რაც მე, როგორც თბილისის მერს და როგორც ამ ქალაქში მცხოვრებს, მეამაყება. ბედნიერი ვარ, რომ მყავს ძლიერი, პროფესიონალი, საქმესა და ქალაქზე შეყვარებული, ერთგული ადამიანები. ყველაფერი, რაც ბოლო წლებში გაკეთდა და რაც დაგეგმილია, ჩვენი თითოეული თანამშრომლის დიდი დამსახურებაა. ამ გაკეთებულ საქმეებში უზარმაზარი შრომაა ჩადებული. დარწმუნებული ვარ, ერთად დგომითა და სხვა სახელმწიფო უწყებების მხარდაჭერით, ქალაქი მომავალი წლების განმავლობაში იქნება უფრო მწვანე, მოწესრიგებული და თანამედროვე“, - განაცხადა დედაქალაქის მერმა.

თბილისის მერმა აქვე აღნიშნა, რომ მოქალაქეებთან ყოველკვირეული, პირისპირი შეხვედრები 25 დეკემბრიდან 13 იანვრის პერიოდში არ გაიმართება, 2026 წლის 14 იანვრიდან კი მოქალაქეების მიღებას ჩვეულ რეჟიმში შეძლებს.

„ყოველ ოთხშაბათს, 16:00-დან 18:00 საათამდე გვაქვს მოქალაქეების მიღება, სადაც პირისპირ ვხვდებით მათ. ვისმენთ პრობლემურ საკითხებს, ვიღებთ გადაწყვეტილებებს. დღესაც გვექნება აღნიშნული შეხვედრა, თუმცა მომდევნო კვირიდან, საახალწლო დღესასწაულების პერიოდში, აღარ გაიმართება, 14 იანვრიდან კი ჩვეულ რეჟიმში გაგრძელდება“, - განაცხადა კახა კალაძემ.

დედაქალაქის მერმა ყურადღება რეკრეაციულ სივრცეებზეც გაამახვილა და აღნიშნა, რომ თბილისის მერიის გარემოს დაცვის საქალაქო სამსახურმა ისნის რაიონში ოთხი სკვერის რეაბილიტაცია განახორციელა.

მისი თქმით, ვაზისუბანში რეაბილიტირდა N8 კორპუსის მიმდებარედ არსებული სკვერი, ხოლო N7 კორპუსის მიმდებარედ მოეწყო სრულიად ახალი რეკრეაციული ზონა, მანამდე კი, ამავე ტერიტორიაზე რეაბილიტაცია ჩაუტარდა შაქარაშვილის სახელობის სკვერს და სრულად განახლდა 90-ე სკოლის მიმდებარედ არსებული მარტიაშვილის სახელობის სკვერი.

„სამუშაოების ფარგლებში რეკრეაციულ სივრცეებში მოეწყო საფეხმავლო ბილიკები, საბავშვო და სავარჯიშო მოედნები, სასმელი წყლის შადრევნები, ძაღლების გასასეირნებელი ზონა, ხოლო ტერიტორიაზე განთავსდა თანამედროვე საპარკო ავეჯი. მარტიაშვილის სახელობის სკვერში მოეწყო შადრევანიც. განსაკუთრებული ყურადღება დაეთმო გამწვანებას - მოეწყო სარწყავი სისტემა, დაირგო ხე-მცენარეები“, - განაცხადა თბილისის მერმა.

მისივე თქმით, ამჟამად განხორციელებულმა პროექტებმა ხელი შეუწყო რეკრეაციული ზონების ერთმანეთთან ინტეგრაციას და ერთიანი სარეკრეაციო სივრცის შექმნას, რომელიც თითქმის 3 ჰექტარს მოიცავს.

გარდა ამისა, მთავრობის დღევანდელ სხდომაზე აღინიშნა, რომ მიკრო და მცირე ბიზნესის ხელშეწყობის პროექტის ფარგლებში, დაფინანსებას მიიღებს 46 ბიზნესსუბიექტი, რომელიც გამარჯვებულად შესაბამისმა კომისიამ გამოავლინა.

კახა კალაძის ინფორმაციით, აღნიშნული ბიზნესსუბიექტების დასაფინანსებლად მერიამ ნახევარ მილიონ ლარზე მეტი გამოყო.

„გამოცხადებული გვქონდა განაცხადების მიღება მიკრო და მცირე ბიზნესის ხელშეწყობის პროექტზე. შესაბამისმა კომისიამ მუშაობა დაასრულა და გამარჯვებულად გამოავლინა 46 ბიზნესსუბიექტი. თავდაპირველად გამოყოფილი იყო 300 000 ლარი, თუმცა გავზარდეთ ბიუჯეტი და საბოლოო ჯამში, 523 000 ლარი იქნება განაწილებული აღნიშნულ ბიზნესსუბიექტებზე. ადგილობრივი წარმოების გაძლიერება ჩვენი ერთ-ერთი მთავარი პრიორიტეტი და მდგრადი ეკონომიკური განვითარების განუყოფელი ნაწილია. ვულოცავ გამარჯვებულებს და ვუსურვებ წარმატებებს. მსგავსი პროექტების დაფინანსებას მომავალშიც აქტიურად განვაგრძობთ, უფრო გაზრდილი ბიუჯეტით და მეტი შესაძლებლობებით“, - განაცხადა კახა კალაძემ.