,
ციკლიდან თბილისური ტაძრების ისტორია
"არამიანცის" საავადმყოფოს ეზოში ტაძარს არქიმანდრიტი სოგრატე ჭულუხაძე 2 წლის განმავლობაში აშენებდა.
ანდრია პირველწოდებულის სახელობის ეკლესია 2004 წელს იკურთხა.
ტაძრის ასაშენებლად ადგილი მამა სოგრატმა მაშინ შეარჩია, როდესაც ჯანმრთელობის პრობლემების გამო კლინიკა " გულში" მკურნალობდა . სანამ გამოწერდნენ, ყოველდღე დასეირნობდა არამიანცის ეზოში და ათვალიერებდა. მალევე გადაწყვიტა ტაძრის აგება. " მე კი არ უნდა ავაშენო, ღმერთი თავად ააშენებსო." - ამბობდა მაშინ მამა სოგრატე.
იმ დღეებში მეუფე ანანიამ მოძღვარი კლინიკაში მოინახულა, ორივენი გარეთ გამოვიდნენ და იმ ადგილას ილოცეს, სადაც ამჟამად თავად არის დაკრძალული მამა სოგრატე. მაშინ თქვეს, რომ ამ ადგილიდან დიდი მადლი მოდიოდა.
ტაძრის მშენებლობა მრევლის შემოწირულობით 2002 წელს დაიწყო. ტაძარის ეზოს ყურძნის ხეივანი, კიპარისის და ზეთისხილის ხეები ამშვენებს. ეკლესია ზურმუხტისფერი ქვითაა მოპირკეთებული და სრულადაა მოხატული.
ყველაფერს მამა სოგრატის ხელი ეტყობა, რომელიც 83 წლის ასაკში 2016 წელს გარდაიცვალა და იქვე ტაძრის ეზოშია დაკრძალული. საფლავზე ადამიანები დღემდე მოდიან და მამა სოგრატს სნეულებისგან განკურნებას სთხოვენ.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
