,
.jpg)
მე-10 სკოლის მოსწავლეებმა და მშობლებმა დადიანის ქუჩა გადაკეტეს. მათ მოთხოვნებს შორის არის, რომ დაჩქარდეს მეათე სკოლის მშენებლობა.
ისინი ონლაინ გაკვეთილებს აპროტესტებენ და მოითხოვენ, სკოლის აშენებამდე დაჩქარდეს ალტერნატიული ფართის მოძიება.
„1. არ ვართ თანახმა შეიცვალოს არსებული ცვლები!
ჩვენი კატეგორიული მოთხოვნაა არ დაირღვეს ბავშვების უფლებები, არ შეიცვალოს მათი სწავლის გრაფიკი, რომელიც მრავალი წელია ისედაც არასტაბილური და მოუქნელია სკოლის არ ქონის და შენობიდან შენობაში გადაბარგებების წყალობით!
2. არ ვართ თანახმა ონლაინ სწავლებაზე, რადგან პანდემიის პერიოდში არსებულმა ამ პრაქტიკამ სავალალო შედეგი გამოიღო ბავშვების განათლების დონეზე.
სახელმწიფომ უნდა უზრუნველყოს ჩვენი შვილების ჯეროვანი სწავლება, რასაც ონლაინ რეჟიმში სწავლება სრულიად გამორიცხავს!
ამიტომ, ვაპროტესტებთ ონლაინ გაკვეთილებს და ვრჩებით პროტესტის რეჟიმში მანამ სანამ სამინისტროსგან არ იქნება დასაბუთებული და მკაფიო ნაბიჯები გადადგმული არსებული პრობლემების მოსაგვარებლად!
მოვითხოვთ, დაჩქარდეს ფართის მოძიება და არა თიმსის იუზერების და პაროლების აღდგენა!
3. არ ვართ თანახმა სკოლა გაიყოს ორ ნაწილად, დაწყებითები და მაღალი კლასები სხვადასხვა ლოკაციაზე იყვნენ იმიტომ, რომ უფროს-უმცროსი დედმამიშვილები დადიან ერთად და ეს გადაწყვეტილება ძალიან გაართულებს როგორც ბავშვების ასევე მშობლების მდგომარეობას!
ასევე, გასათვალისწინებელია რომ ორად უნდა გაიხლიჩოს დირექცია-მასწავლებლებიც.
4. მოვითხოვთ, განათლების სამინისტრომ შეასრულოს თავისი მოვალეობა და სასწრაფო წესით მოიძიოს ალტერნატიული ფართი და არ გაგვისტუმროს მშობლები სიტყვებით "მოიძიეთ და თუ იპოვით ფართს გადაგიყვანთ"! ყველა ფართი, რომელიც აქამდე დაათვალიერეს სამინისტროს წარმომადგენლებმა ისედაც მოძიებული იყო მშობლების მიერ.
მოვითხოვთ ყველამ გაითავისოს თავისი პასუხისმგებლობა და მოვალეობები და შეასრულოს პირნათლად დაკისრებული ვალდებულებები.
5. ასევე მოვითხოვთ დაჩქარდეს მეათე სკოლის მშენებლობა! რომლის არ აშენების და ვადების დარღვევის წყალობით ჩვენს შვილებს უწევთ არასათანადო პირობებში სწავლა!“,- აღნიშნავენ მშობლები.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
