,
დე ფაქტო აფხაზეთის პრემიერ მინისტრ ალექსანდრე ანქვაბს, რომელსაც კორონავირუსი დაუდასტურდა და ჰოსპიტალიზებული იყო, ჯანმრთელობის მდგომარეობის გაუარესების გამო რუსეთის კლინიკაში გადაიყვანენ – ამის შესახებ ინფორმაციას დე ფაქტო მთავრობის ვებ-გვერდი ავრცელებს.
“პრემიერ მინისტრის ალექსანდრე ანქვაბის რუსეთში გადაყვანის გადაწყვეტილება 7 იანვარს, სამედიცინო კონსულტაციების შემდეგ გადაწყდა, რომელიც გუდაუთას ცენტრალურ საავადმყოფოში გაიმართა. მედიკოსთა ჯგუფმა მიიღო გადაწყვეტილება დაავადების გართულების თავიდან ასაცილებლად მიიღეს”, – ნათქვამია გავრცელებულ განცხადებაში.
ექიმების თქმით, ანქვაბის მდგომარეობა “საშუალო სირთულისა და ზომიერად სტაბილურია, მას ინტენსიური მკურნალობა სჭირდება.”
ალექსანდრე ანქვაბს კორონა ვირუსი 30 დეკემბერს დაუდგინდა. იგი მკურნალობას თავდაპირველად საკუთარ სახლში გადიოდა და ექიმების ცნობით, მისი ჯანმრთელობის მდგომარეობა დამაკმაყოფილებელი იყო. 4 იანვრიდან მისი მდგომარეობა დამძიმდა და საჭირო გახდა ჰოსპიტალიზაცია. ანქვაბი გუდაუთას საავადმყოფოში მკურნალობდა, რომელიც კორონა ვირუსის წინააღმდეგ მომუშავე ძირითადი დაწესებულებაა დე ფაქტო აფხაზეთში.
