USD 2.7084
EUR 2.9337
RUB 2.9233
Tbilisi
ანი წერეთელი- გერმანიაში მცხოვრები ქართველი ექიმი
Date:  1184
ექიმობის სურვილი ბავშვობიდან მქონდა. მახსოვს, 5 წლის ასაკში ხელოვნების სტუდიაში დავდიოდი, სპექტაკლის შემდეგ ჟურნალისტმა ინტერვიუ ჩაწერა და შემეკითხა, ვინ მსურდა გამოვსულიყავი. ჩემი პასუხი იყო - მინდა გამოვიდე ექიმი, რომ ადამიანებს დავეხმარო.
თბილისის სახელმწიფო სამედიცინო უნივერსიტეტში ჩავაბარე. სადაც ჩამოვყალიბდი, რომ მინდოდა ექიმ-რადიოლოგობა. სტუდენტობისას გერმანულ ენაში ვემზადებოდი და ენის ცოდნის სერთიფიკატი ავიღე. 2011 წელს სტუდენტური გაცვლითი პროგრამით, 2 თვით წავედი გერმანიის ქალაქ ტრაუნშტაინში , რადიოლოგიის მიმართულებით.
 
ძალიან მომეწონა გერმანიის სამედიცინო განათლების და ჯანდაცვის სისტემა. საქართველოში დაბრუნებულმა დავიწყე იმ გზების მოძიება, რომლის დახმარებითაც შევძლებდი გერმანიაში ცოდნის გაღრმავებას და კარიერის გაგრძელებას.
 
2014 წელს მოვიპოვე ERASMUS MUNDUS-ის დაფინანსება და ერთი წლის განმავლობაში ვიყავი ბერლინის შარიტეს კლინიკის (Charité Universitätsmedizin Berlin) რადიოლოგიური განყოფილების მოწვეული ექიმი (Gastarzt). ვფიქრობ, რომ ეს იყო პირველი სერიოზული ნაბიჯი ჩემს კარიერაში. ერთი წლის შემდეგ იმავე განყოფილებაში დავიწყე სადოქტორო ნაშრომზე მუშაობა DAAD-ის კვლევითი სტიპენდიის ფარგლებში. ამ საფეხურის წარმატებით დამთავრების შემდეგ 2018 წელს მუშაობა დავიწყე ბერლინის ერთერთ წამყვან კლინიკაში (Vivantes Klinikum am Urban) ექიმ-რადიოლოგად.
 
ჩემთვის ეს იყო სერიოზული გამოწვევა, რომელიც დიდ შრომას და ცოდნის გაღრმავებას მოითხოვდა. მალე დავიწყე კლინიკაში რეგულარული ღამის მორიგეობა, რომელიც კვირის განმავლობაში 18 საათი, ხოლო შაბათ-კვირას 24 საათი განყოფილებაში ერთადერთ რადიოლოგად მუშაობას გულისხმობდა. პასუხისმგებლობა და დატვირთვა ძალიან დიდი იყო, თუმცა საინტერესო. პრაქტიკული საქმიანობიდან გამომდინარე აქ დიდი გამოცდილების მიღება შეიძლება, კლინიკა მრავალპროფილურია და სხვადასხვა დაავადების მქონე პაციენტებთან მქონდა შეხება. ამ პერიოდში გავიარე რენტგენოლოგიის, ექოსკოპიის, კომპიუტერული ტომოგრაფიის და ნაწილობრივ მაგნეტორეზონანსული ტომოგრაფიის როტაცია. პრაქტიკული მუშაობის პარალელურად გვიტარდებოდა ლექციები, როგორც კლინიკის ფარგლებში, ასევე მის გარეთ. დავესწარი ბევრ საერთაშორისო სიმპოზიუმს და კონგრესს. ვეცნობოდი სიახლეებს და ინოვაციებს ჩვენს სფეროში.
 
ევროპაში და განსაკუთრებით გერმანიაში, რადიოლოგია ძალიან მაღალ დონეზეა, აქვს უწყვეტი განვითარების პერსპექტივა. ყველაზე მეტად მომწონს გერმანიის ჯანდაცვის სისტემა. ეს არის კარგად აწყობილი, პაციენტის ინტერესების გათვალისწინებით შექმნილი სამედიცინო მომსახურების მყარი ცენტრი. სადაზღვევო კომპანიები მთლიანად ფარავენ ნებისმიერი სახის სამედიცინო მომსახურებას.
 
რაც შეეხება საქართველოს ჯანდაცვის სისტემას, სამწუხაროდ კიდევ ბევრია გასაკეთებელი, რომ გამართული იყოს სამედიცინო მომსახურება. პირველ რიგში სახელმწიფო რეზიდენტურა უფასო უნდა იყოს. აუცილებელია რეზიდენტის და პაციენტის უშუალო კონტაქტი. რეზიდენტურა უნდა მოიცავდეს მთელ სასწავლო პროგრამას და ლიცენზიის გამოცდის ჩაბარების შემდეგ დამწყებ ექიმებს არ უნდა უწევდეთ დამატებითი 8 თვიანი ფასიანი კვალიფიკაციის ამაღლება. ამჟამად ვდგავარ ახალი გამოწვევების წინაშე. დაგროვილი გამოცდილებით ვაპირებ ახალ კლინიკაში გავაგრძელო მუშაობა.
 
დამწყებ ექიმებს მინდა ვუსურვო წარმატებები და ვურჩიო სტუდენტობის პარალელურად დაეუფლონ უცხო ენას. რაც შეიძლება ხშირად გააკეთონ გაცვლითი პროგრამები, რითიც გაეცნობიან უცხოეთში არსებულ ჯანდაცვის და სამედიცინო განათლების სისტემებს. არ შეუშინდნენ სირთულეებს, იყვნენ შრომისმოყვარეები, მიზანდასახულები. დაუძლეველი არაფერია!
sport
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

See all
Survey
ვინ გაიმარჯვებს რუსეთ - უკრაინის ომში?
Vote
By the way