,
ომის გარდამტეხ მომენტში ვიმყოფებით და მოსკოვზე ზეწოლა იზრდება. უკრაინა თავდაცვის ხაზს ინარჩუნებს და რუსეთის ცოცხალი ძალა გადამწყვეტ უპირატესობას აღარ წარმოადგენს, - ამის შესახებ უკრაინის საგარეო საქმეთა მინისტრი ანდრეი სიბიგა სოციალურ ქსელში წერს.
მისი თქმით, ნატო-ს მოკავშირე ქვეყნების საგარეო საქმეთა მინისტრებთან ერთად მონაწილეობა მიიღო ჰელსინგბორგში გამართულ ნატო-უკრაინის საბჭოს არაფორმალურ მინისტერიალში.
„მშვიდობის მისაღწევად, უნდა ვორიენტირდეთ სამ კრიტიკულ ელემენტზე: დიპლომატიაზე, ზეწოლასა და ძალაზე. გვჭირდება ახალი ბიძგი სამშვიდობო ძალისხმევაში, ამავდროულად უნდა გავაძლიეროთ ჩვენი სპეციალური გრძელვადიანი სანქციები და სხვა ბერკეტები“, - აცხადებს სიბიგა.
მისი თქმით, მოკავშირეებს ბელარუსიდან მომავალი მზარდი საფრთხეების შესახებ მიაწოდა ინფორმაცია.
„მოკავშირეებს ბელარუსიდან მომავალი მზარდი საფრთხეების შესახებ ინფორმაცია მივაწოდე და მოვუწოდე შესაბამისი ქმედებების და ნაბიჯების გადადგმისკენ, რათა თავიდან ავიცილოთ მოსკოვისა და მინსკის აგრესიის გაფართოება. უკრაინა აღარ ითხოვს მხოლოდ შემოწირულობებს; ჩვენ ვართ უსაფრთხოების კონტრიბუტორი, დონორი და პარტნიორი, რომელიც მზადაა გამოცდილება მოკავშირეებს გაუზიაროს“, - წერს სიბიგა.
მისი თქმით, თავდაცვის ხარჯების გაზრდა მშვიდობის გარანტიაა და მოუწოდებს ნატო-ს ყველა წევრს, წვლილი შეიტანონ უკრაინის თავდაცვაში.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
