,
„ანას ბაღის“ მცველები, სამოქალაქო აქტივისტები და გარემოს დამცველები, თბილისის მერიასთან აქციას მართავენ.
საპროტესტო აქციის მონაწილეები თბილისის მერს, კახა კალაძეს მიმართავენ და მოუწოდებენ, ვარკეთილის ზემო პლატოზე, მეორე მიკრორაიონში მდებარე „ანას ბაღის“ მიმდებარე ტერიტორიაზე დაგეგმილი კორპუსის მშენებელ კომპანიას ალტერნატიული სივრცე შესთავაზოს საცხოვრებელი კორპუსის ასაშენებლად.
საპროტესტო აქციას სამოქალაქო აქტივისტები და პოლიტიკური პარტიების წარმომადგენლებიც შეურთდნენ.
ისინი თბილისის მერის დღევანდელ კრიტიკულ განცხადებას პასუხობენ, როდესაც კალაძემ ანას ბაღის დამცველები "უსაქმური ადამიანების ჯგუფად" მოიხსენია. მერიასთან შეკრებილები მშენებლობაში კალაძის პირად კორუფციულ ინტერესებს ხედავენ.
