,
ამირან გამყრელიძის შვილის კომპანია, სს გეფა, თითქმის 8-მილიონიანი სამედიცინო ხელთათმანების ტენდერიდან დისკვალიფიცირებულია.
2021 წლის 21 იანვარს სახელმწიფო შესყიდვების სააგენტომ სამედიცინო ხელთათმანების შესყიდვაზე ორი ტენდერი გამოაცხადა, რომელთა საერთო ღირებულებაც 7 738 295 ლარი იყო.
წინადადებების მიღება 27 იანვარს დაიწყო და 28 იანვარს დასრულდა, ტენდერში ერთადერთი მონაწილე სააქციო საზოგადოება გეფა იყო, რომლის სამეთვალყურეო საბჭოს თავმჯდომარე დაავადებათა კონტროლის ეროვნული ცენტრის ხელმძღვანელის, ამირან გამყრელიძის შვილი, ნიკოლოზ გამყრელიძეა.
რამდენიმე კვირის წინ მედიაში გავრცელდა ინფორმაცია, რომ სს გეფამ ტენდერში უკვე გაიმარჯვა, თუმცა სახელმწიფო შესყიდვების სააგენტოს ოფიციალური გვერდიდან ვიგებთ, რომ აღნიშნული ტენდერები არ შედგა და სს გეფა დისკვალიფიცირებულია.
დისკვალიფიკაციის მიზეზი ტექნიკური დოკუმენტაციაა, სს გეფამ არ წარმოადგინა ტენდერში გამარჯვებისათვის აუცილებელი ინფორმაცია, კერძოდ, XL ზომის ხელთათმანთან დაკავშირებით.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
