ცნობილი ქართველი წინასწარმეტყველის, ლელა კაკულიას "ფეისბუქის" ოფიციალურ გვერდზე მისი მორიგი წინასწარმეტყველება ვრცელდება, რომელიც ამერიკის შეერთებული შტატებში საპრეზიდენტო არჩევნებს უკავშირდება:

"მეგობრებო,

გერმანული გავლენიანი გამოცემა „შპიგელი“ საინტერესო ინფორმაციას ავრცელებს.

 როგორც ის წერს, ამერიკელი დემოკრატები აქტიურად ლაპარაკობენ, რომ მიმდინარე წლის აგვისტოში პრეზიდენტი ჯო ბაიდენი „გრანდიოზულ ჟესტს“ გააკეთებს: არჩევნებიდან საკუთარ კანდიდატურას მოხსნის და მის ნაცვლად არჩევნებში ყოფილი პრეზიდენტის მეუღლე, მიშელ ობამა მიიღებს მონაწილეობას.

ამაზე, თურმე, ვაშინგტონში ძალიან სერიოზულად მსჯელობენ. ამის დასტურია თუნდაც ის, რომ დემოკრატიულმა პარტიამ მიშელ ობამას სახელი სოციოლოგიურ კვლევებში, ანუ საზოგადოებრივი აზრის გამოკითხვებში შეიტანა.

ახლა კი აქვე შეგახსენებთ, რატომ გავამახვილეთ ამ ფაქტზე ყურადღება: ნახეთ, რა აქვს აშშ-ის ქალ-პრეზიდენტზე ნაწინასწარმეტყველები ქალბატონ ლელა კაკულიას.

წაიკითხეთ, დაიმახსოვრეთ და მერე ერთად მივადევნოთ თვალი მოვლნებს. გამორიცხული არ არის, რომ ეს ჩანაწერები სწორედ მიშელ ობამას ეხებოდეს - ყოველ შემთხვევაში, ის ყველა ნაწინასწარმეტყველებ პირობას აკმაყოფილებს.

2007 წელი, 17 თებერვალი

მომავალში ამერიკელი ქალი-პრეზიდენტი ძალიან ფიცხია და კაპასი. სანდომიანი, სიკეთით სავსე იერი აქვს, მაგრამ შინაგანად, მტრის კარს!

 შეუპოვარია, შეცდომებს არავის პატიობს და უკან არ იხევს. ვხედავ, იგი მუსლიმების რისხვაა მომავალში. რაც ბუშმა დაიწყო, ქალი-პრეზიდენტი ძალიან ელეგანტურად და მომხიბვლელად, მაგრამ სასტიკად დაამთავრებს მუსლიმებთან დიდ პოლიტიკურ თამაშს. ასეთი რამ დემოკრატებს არ ახსოვთ.

ქალი-პრეზიდენტი ყოველთვის გამოძვრება ურთულესი მდგომარეობიდან, ოსტატურად მოიხმარს ქალურ ვითომდა სისუსტეებს.

საოცარია, რასაც ვხედავ. ამერიკა კრიზისიდან ძვრება ქალის ჭკუის მეშვეობით. სანამ აღმოსავლეთი აზრზე მოვა, ანუ მუსლიმები, ყველაფერი დამთავრდება ქალი-პრეზიდენტის გამარჯვებით. იგი ისე დაარტყამს ირანს, რომ მათ ბუში მოენატრებათ.

ქალ-პრეზიდენტს ოჯახის წევრი გარდაეცვლება და ეს მას ძალიან მოტეხს. ჩამოწვება დიდი სიჩუმე, მაგრამ იგი სწრაფად წამოდგება ფეხზე და იქნება ძალიან დაუნდობელი.

ამერიკის ქალღმერთი – თავისუფლების ქანდაკება, გაშავდება… რატომ?…

2008 წელი, 20 იანვარი

ამერიკაში არჩევნებში ქალი იმარჯვებს. ამერიკელებს ქალი-პრეზიდენტი არ მოსწონთ, „იმიტომ, რომ ქალია“. ასე ხსნის ხალხი, მაგრამ დიდი ნაწილი მაინც მიემხრობა ქალ-პრეზიდენტს, რომელსაც ყოფილი პრეზიდენტის – ქმრის იმედი აქვს… ვხედავ, როგორ უჯერებს მეუღლის რჩევებს ქალბატონი პრეზიდენტი.

2013 წელი, 24 მარტი

მომავალში აშშ პრეზიდენტობაზე კენჭს ისევ ქალი იყრის და პრეზიდენტად აუცილებლად მოვა ქალი.
ქალი უფრო ძლიერია, აბსოლუტურად სწორი გადაწყვეტილებები ექნება.

2021 წელი, 18 სექტემბერი

ისევ ვხედავ, მომავალში ამერიკაში პრეზიდენტად მოდის ქალი — ათ კაცს რომ აჯობებს, ისეთი."- ვკითხულობთ ლელა კაკულიას ფეისბუქგვერდზე.