,
ამერიკელი პოლიტოლოგი ფრენსის ფუკუიამა საქართველოს მთავრობას ისევ აკრიტიკებს. ამბობს, რომ პოლიტიკა გაუმჭვირვალეა, მთავრობა კი ხალხს არ წარმოადგენს. ამის შესახებ ფუკუიამამ ერთ- ერთ ღონისძიებაზე მედიასთან ისაუბრა და ტრადიციულად ბიძინა ივანიშვილი გააკრიტიკა.
ხელისუფლების კრიტიკის პარალელურად კი, ამერიკელი პოლიტოლოგი ქართულ ოპოზიციას რჩევას აძლევს, მათ გაერთიანებისკენ მოუწოდებს და არჩევნებზე წარმატების მისაღწევად პოლონეთის მოდელის გაზიარებას ურჩევს.
ფუკუიამას ინტერვიუ არ უკვირს მმართველ პარტიას, რადგან „ქართული ოცნების“ წევრების თქმით, ამერიკელი პოლიტოლოგი ცნობილი ფსევდოლიბერალია.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
