,
"გალტ & თაგარტის" სისტემური დეველოპერების გამოკითხვა აჩვენებს, რომ პროექტებში, რომლებიც 2025 წელს სრულდება, ბინების 90% გაყიდულია. უმეტესი ნაწილი დეველოპერების მიერ შეთავაზებული შიდა განვადებებით გაიყიდა.
"გალტ & თაგარტმა" სისტემური დეველოპერების გამოკითხვა 2025 წლის ნოემბერში ჩაატარა. ის მოიცავდა 100-ზე მეტ მშენებარე საცხოვრებელ პროექტს თბილისში (ჯამურად პირველადი ბაზრის დაახლოებით 50%-ს). შედეგების თანახმად, მიმდინარე წლის ოქტომბერში, შერჩეული დეველოპერების პროექტებში წინა თვის რეკორდული გაყიდვების შემდეგ მოთხოვნა დანორმალიზდა.
"გაყიდული ბინების რაოდენობა კვლავ მაღალ ნიშნულზე შენარჩუნდა და წლიურად 26.7%-ით გაიზარდა. აღსანიშნავია, რომ ანალოგიური დინამიკა ფიქსირდება გაყიდული ბინების ფართობის მიხედვითაც",- აღნიშნულია კვლევაში.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
