ალექსეი არესტოვიჩი: უკრაინის ხელმძღვანელობა კორუმპირებული და არაადეკვატურია, ზეწოლას ახდენს ბიზნესზე, სამოქალაქო თავისუფლებებსა და პოლიტიკურ კონკურენტებზე
Date:
370
უკრაინის ხელმძღვანელობა კორუმპირებული და არაადეკვატურია, ზეწოლას ახდენს ბიზნესზე, სამოქალაქო თავისუფლებებსა და პოლიტიკურ კონკურენტებზე, – ამის შესახებ უკრაინის პრეზიდენტის ადმინისტრაციის ყოფილი მრჩეველი, ალექსეი არესტოვიჩი სოციალურ ქსელში წერს.
მისი თქმით, უკრაინის ხელისუფლებამ შეცდომები დაუშვა, რამაც მდგომარეობა სტრატეგიულ ჩიხამდე მიიყვანა. ბახმუტის დაცვაში ქვეყნის არმიამ უდიდესი რესურსი დახარჯა, რის გამოც სამხრეთში ახლა რესურსების ნაკლებობაა.
„რუსეთს, თავისი ყველა ნაკლოვანების მიუხედავად, აქვს რეალური სუვერენიტეტი, მაგრამ ჩვენ არა. რუსეთი იღებს კანიბალურ გადაწყვეტილებებს, მაგრამ არსებული სიტუაციის ადეკვატური გადაწყვეტილებებია, ჩვენი ხელმძღვანელობა კი კორუმპირებულია და არაადეკვატური – როგორც ჩვენი მთავარი სპონსორები და პარტნიორები მუდმივად აღნიშნავენ. ეს პოლიტიკა ჩიხში მიგვიყვანს. ჩვენმა ხელმძღვანელობამ, ჩემი აზრით, დიდი ხნის წინ ამოწურა თავისი კომპეტენციის ზღვარი. მათ არც კი სურთ ხალხს სიმართლე უთხრან – 1991 წელს საზღვრები არ იქნება და უახლოეს მომავალში ყირიმი არ იქნება, მაგრამ იქნება თავდაცვა, სისხლი, ოფლი, ცრემლები“, – განაცხადა ალექსეი არესტოვიჩმა.
