ავიაკომპანია Ryanair-ის რეისთან დაკავშირებული სკანდალის კომენტირებისას, რომელსაც 23 იანვარს მინსკის აეროპორტში დაფრენა აიძულეს, ბელარუსის პრეზიდენტმა ალექსანდრე ლუკაშენკომ განაცხადა, რომ ბელარუსი საერთაშორისო ნორმების მიხედვით მოქმედებდა

„ჩვენ ინფორმაცია მივიღეთ, რომ თვითმფრინავში ბომბია, როდესაც ის ბელარუსის ატომური ელექტროსადგურის თავზე იმყოფებოდა. როგორც უნდა მოვქცეულიყავით? რაც შეეხება ინფორმაციას იმის თაობაზე, რომ თვითმფრინავს დაფრენა ბელარუსის შეიარაღებული ძალების ავიაგამანადგურებელმა აიძულა, ეს სრული სიყალბეა. Ryanair-ის ეკიპაჟს კავშირი ჰქონდა ვილნიუსის აეროპორტთან, მაგრამ საბოლოოდ მინსკში დაფრენის გადაწყვეტილება მიიღო“ - განაცხადა ლუკაშენკომ.

ლუკაშენკოს თქმით, ის „კანონიერად მოქმედებდა და ავიალაინერის მგზავრებს საერთაშორისო ნორმების შესაბამისად იცავდა“.

ბელორუსის პრეზიდენტმა ყურადღება გაამახვილა იმ ფაქტზე, რომ ქვეყნის ხელმძღვანელობამ მიიღო ყველაზე მკაცრი ზომები, რათა შეეჩერებინა  "ნეონაციზმის ტალღა" რესპუბლიკაში. "ჩვენი ქმედებები შეიძლება გადაჭარბებული ჩანდეს მათთვის, ვინც ამართლებს მათ სისასტიკეს. მაგრამ ეს სტრატეგია ქვეყნისთვის სასიცოცხლოდ მნიშვნელოვანია", - თქვა ლუკაშენკომ