ღონისძიება ბახტრიონის აჯანყების გმირის ზეზვა გაფრინდაულის სახელს უკავშირდება. ღონისძიება დაიწყო საკულტო რიტუალით დალაობით, გაიმართა ხალხური რეწვის ნიმუშების გამოფენა-გაყიდვა, ,,თუშეთის განვითარების ფონდმა" სიგელებით დააჯილდოვა წარჩინებული თუში მოსწავლეები.
დღესასწაულში ჩართული იყო კოლეჯი ,,აისი", ფოლკლორული ჯგუფები და ინდივიდუალური შემსრულებლები.,,ზეზვაობა’’ ტრადიციული ,,დოღით" დასრულდა.
ღონისძიებას ახმეტის მუნიციპალიტეტის მერი ალექსი ფიცხელაური, საკრებულოს თავმჯდომარე იოსებ ქარუმაშვილი, პარლამენტის დეპუტატი გელა სამხარაული, მერის მოადგილეები, მოწვეული სტუმრები და ადგილობრივი მოსახლეობა ესწრებოდა.
გაიმართა სპორტული შეჯიბრი მკლავჭიდში. გამარჯვებული სპორსმენები ალექსი ფიცხელაურმა და გელა სამხარაულმა დააჯილდოვეს.