USD 2.6978
EUR 2.9112
RUB 2.9177
Tbilisi
აკა სინჯიკაშვილი: კარგი ამბები მთიდან -ათივე და-ძმას უკვე თითქმის ყველაფერი აქვთ, რაც სჭირდებოდათ
Date:  724

აკა სინჯიკაშვილი სოციალურ ქსელში სასიხარულო ინფორმაციას ავრცელებს. 

როგორც მისი პოსტიდან ირკვევა, უკიდურეს გაჭირვებაში მყოფ ათ და-ძმას ახლა უკვე ყველაფერი აქვთ, რაც სჭირდებოდათ.

"კარგი ამბები მთიდან.

ათივე და-ძმას უკვე თითქმის ყველაფერი აქვთ, რაც სჭირდებოდათ. მივუტანეთ უამრავი პროდუქტი, რომელიც გაზაფხულამდე აუცილებლად ეყოფათ, ახალი ტანსაცმელი და არასდროს აღარ გადაიხდიან გადასახადებს. ეყოლებათ ძროხა და ხბო მოსავლელად, ფოტოზე რომ ხედავთ, ცხოველებისთვის ვაშენებთ შენობას. ცოტა ამ ყველაფრის სახლამდე ატანა გაჭირდა, საშინელი გზის გამო. მეტი არაფერი. მაგრამ ყველა მოგვეხმარა, ვინც კი ახლომახლო იყო და ყველაფერი შევძელით.

ბავშვებს ექნებათ ჩვენი სამუდამო მხარდაჭერა და ესენიც ჩვენი ახალი დები და ძმები იქნებიან.

ასეთ უბედურებაში და საშინელ პირობებში გაზრდილები, როგორ არიან ასეთი კარგები, გულთბილები და მოსიყვარულეები.

თვითონაც მთელი გულით გვეხმარებიან საქმეში, როგორც შეუძლიათ. მარტო ამათი ყურებით არ მოიწყენ ადამიანი და არაფერი არ დაგეზარება, თუ ადამიანს რამე შეგიძლია.

როცა ათივე გაიზრდებით და ამ პოსტს ნახავთ, გახსოვდეთ, რომ აკას ძალიან უყვარხართ ათივე. თქვენ გენაცვალოთ ჩემი თავი.

ყველას დიდი მადლობა.

ვინც როგორ შეძელით, მოგვეხმარეთ და ბავშვებს ბედნიერი დღეები აქვთ.

ამაზე მნიშვნელოვანი კი დედამიწაზე არაფერი არ არის.

სიკეთე გადამდებია", - წერს აკა სინჯიკაშვილი სოციალურ ქსელში.

sport
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

See all
Survey
ვინ გაიმარჯვებს რუსეთ - უკრაინის ომში?
Vote
By the way