,
რესტორნებში უნაღდო დანახარჯები წლიურად მზარდია. 2025 წლის აგვისტოში, თიბისი ბანკის არხებით რესტორნებში უნაღდო დანახარჯებში 30%-იანი ზრდა დაფიქსირდა, საშუალო ტრანზაქციის მოცულობა კი 43 ლარს გაუტოლდა - ამის შესახებ TBC Capital-ის მომხმარებლის დანახარჯების დინამიკის კვლევაშია საუბარი.
ანგარიშის თანახმად, აგვისტოში რესტორნებში შესრულებული უნაღდო გადახდების 63% საქართველოს რეზიდენტებზე მოდის, 37% კი - არარეზიდენტებზე.
ამასთან, მიმდინარე წლის აგვისტოში, თიბისი ბანკის არხებით, წლიურად 23%-ით გაიზარდა რესტორნებში რეზიდენტთა უნაღდო დანახარჯები და საშუალოდ 32 ლარი შეადგინა. ამავე პერიოდში კი რესტორნებში არარეზიდენტების უნაღდო დანახარჯები ასევე გაიზარდა წლიურად 44%-ით, საშუალო დანახარჯი კი 111 ლარს გაუტოლდა, დაახლოებით 3-ჯერ მეტს, ვიდრე რეზიდენტთა დანახარჯებია.
წყარო:https://bm.ge/
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
