შვედეთის ყველაზე მრავალტირაჟიან გაზეთ „დაგენს ნიჰეტერში“ (Dagens Nyheter) გამოქვეყნებულია სტატია სათაურით „აქ ანტირუსული სანქციები არ მოქმედებს: მდიდრული ავტომობილების გზა ევროპიდან მოსკოვისაკენ" (ავტორები - ლარს ლინდკვისტი და ინგმარ ნევუსი). მასალაში გადმოცემულია სიტუაცია, რომელიც საქართველოს ყაზბეგის საბაჟოზეა შექმნილი: ათასობით სატვირთო ავტომობილი (ტრაილერი) თურქეთიდან, სომხეთიდან და სხვა ქვეყნებიდან, საქართველოს ტერიტორიის ტრანზიტული გავლით, უწყვეტად ეზიდება საქონელს რუსეთისაკენ.
„ექსკლუზიური, სრულიად ახალი ევროპული მდიდრული მანქანები, რომლებიც ბერლინშია შეძენილი, რუსეთისაკენ მიდის, სადაც მათ მოსკოვური ელიტა ელოდება - ელიტა, რომლისთვისაც ევროკავშირის მიერ გამოცხადებულ სანქციებ ცხოვრება უნდა გაერთულებინა, მაგრამ ასე არ მოხდა“, - ნათქვამია სტატიაში.
„გზა, რომელიც თბილისიდან ჩრდილოეთისაკენ, რუსეთისაკენ მიდის, ევროპის ერთ-ერთ შთამბეჭდავ მაგისტრალად შეიძლება ჩაითვალოს - აქედან ვხედავთ ლაჟვარდოვან წყალსაცავს, ცოტა შორს მოჩანს კავკასიონის დათოვლილი მწვერვალებ, რომელტაგან ყაზბეგის მთა ყველაზე მღალია. ვუახლოვდებით ერთადერთ ოფიციალურ სასაზღვრო-გასასვლელ პუნქტს საქართველოდან რუსეთში. მობილიზაციის გამოცხადების შემდეგ ამ პუნქტით რუსეთიდან საქართველოში ათი ათასობით რუსი მოქალაქე გამოიქცა და თავი შეაფარა, რათა უკრაინის წინააღმდეგ მიმდინარე ომში არ ყოფილყო გაწვეული.
როგორც ცნობილია, ევროკავშირმა მკაცრი სანქციები დააწერა რუსეთის წინააღმდეგ, რომელიც ვაჭრობისა და ექსპორტის მკვეთრად შეზღუდვას ითვალისწინებს - იმ მიზნით, რომ რუსეთის ეკონომიკა რაც შეიძლება მეტად დაზარალდეს... მაგრამ რუსეთში მესამე ქვეყნების გავლით აკრძალული ტვირთები და საქონელი მაინც შედის“, - აღნიშნულია სტატიაში.
ავტორები ესაუბრებიან თურქ და სომეხ მძღოლებს, რომლებიც ამბობენ, რომ მიმდინარე თვეში რუსეთისაკენ უკვე მერვედ მიდიან, ეზიდებიან „მერსედესის“ მარკის ძვირადღირებულ ავტომობილებს. „ჩვენ არავითარი აკრძალული საქონელი არ მიგვაქვს რუსეთში“, - ეუბნება შვედ ჟურნალისტებს ქართველი მძღოლი აჩიკო თავართქილაძე, რომლის ტრაილერში ავეჯია, თურქეთში შეძენილი.
მოამზადა სიმონ კილაძემ