,
ოკუპირებული აფხაზეთის ვეტერანთა და მოქალაქეთა ორგანიზაცია „აიააირა“ („გამარჯვება“) თვითგამოცხადებულ რესპუბლიკაში დე ფაქტო ხელისუფლებისა და ე.წ. პრეზიდენტის მიერ გატარებული პოლიტიკის უნდობლობის შესახებ ე.წ. რეფერენდუმის ჩატარების ინიციატივით გამოვიდა.
სააგენტო „აიაშარას“ ცნობით, ორგანიზაციის წევრებმა ე.წ. ცენტრალურ საარჩევნო კომისიას რეფერენდუმის ჩასატარებლად საინიციატივო ჯგუფის რეგისტრაციის მოთხოვნით მიმართეს.
„ცესკოს“ ცნობით, კითხვა, რომელზეც 36-კაციან საინიციატივო ჯგუფს რეფერენდუმის ჩატარება სურს, ასეა ფორმულირებული: „აუცილებლად მიგაჩნიათ თუ არა აფხაზეთის რესპუბლიკაში ვადამდელი საპრეზიდენტო არჩევნების ჩატარება?“.
ოკუპირებული აფხაზეთის „კანონმდებლობით“, რეფერენდუმის მოწვევის უფლება აქვს ე.წ. პრეზიდენტს.
რეფერენდუმის ჩატარების ინიციატივით აფხაზეთის მოქალაქეებს შეუძლიათ გამოვიდნენ. ამ შემთხვევაში საინიციატივო ჯგუფში მინიმუმ 25 ადამიანი უნდა შედიოდეს, რეფერენდუმის მოთხოვნით კი, მინიმუმ, 10 000 ხელმოწერა უნდა შეგროვდეს.
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
