,
აფხაზეთის სამხედრო ცენტრალური ჰოსპიტალი, რომელიც რუსი სამხედროების, მათი ოჯახების, ასევე აფხაზეთის ძალოვანის სისტემის თანამშრომლების გარდა, გულრიფშის რაიონის მოსახლეობასაც ემსახურება, შესაძლოა, დაიხუროს. ამის შესახებ აფხაზურ ტელევიზიასთან საუბარში ზურაბ აჩბამ, ჰოსპიტალის ხელმძღვანელმა ისაუბრა.
ზურაბ აჩბა ჰყვება ჰოსპიტალის მძიმე პირობებზე, რომელიც როგორც სამედიცინო პერსონალს, ასევე პაციენტებს საფრთხეს უქმნის.
როგორც ირკვევა, საავადმყოფოში, რომელიც დაახლოებით, 30 წლის წინ აშენდა, ინფრასტრუქტურა არ არის შეცვლილი, დაჟანგებულია მილები, დაზიანებულია ელექტროსადენები და დაობებულია კედლები. გარდა ამისა, არ მუშაობს ლიფტი და ტრავმატოლოგიური განყოფილების პაციენტები მესამე სართულზე კიბით თავად ადიან.
“საავადმყოფოს ყველა შენობა ავარიულია და მათი ექსპლუატაცია არ შეიძლება. საშიშია პაციენტეისთვისაც და ექიმებისთვისაც. თუ სიტუაცია არ გამოსწორდება, დავხურავთ და ვეღარ ვიმუშავებთ”, – ამბობს აჩბა.
რაც შეეხება სამედიცინო აპარატურას, 80-იანი წლების შემდეგ ისინი არ შეუცვლიათ.
წყარო: netgazeti.ge
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
