აბანოს ქუჩა N21-ში მდებარე ისტორიული ძეგლის სტატუსის მქონე შენობას ნაწილობრივ რეაბილიტაცია ჩაუტარდა. აღნიშნულ სახლში ქართველი ფოლკლორისტი და მუსიკოსი, ანსამბლ „რუსთავის“ დამფუძნებელი ანზორ ერქომაიშვილი ცხოვრობდა.
სამუშაოების ფარგლებში, ადგილზე შესრულდა ხარაჩოებისა მოწყობა, აივნების ხის დაზიანებული ელემენტების დაშლა-განახლება, გაწმენდა, შეკეთება და მონტაჟი, ასევე მოეწყო საყრდენები. სახლს მოსაპირკეთებელი სამუშაოები ჩაუტარდა,
აივნის სახურავი სრულად შეკეთდა. ასევე, აივნებზე მოეწყო რიკულები.
სახლს სახურავიდან მომდინარე წვიმის წყალი აზიანებდა, რის გამოც ადგილზე მოეწყო წყალსაწრეტი მილები. რეაბილიტაციის შემდეგ აღნიშნული პრობლემა აღმოიფხვრა და აივნის ელემენტები დაცული იქნება მომდინარე ნალექისა და შემდგომი დაზიანებისგან.
ასევე, გასულ წელს „ბინათმესაკუთრეთა ამხანაგობების განვითარების ხელშეწყობის პროგრამის” ფარგლებში, აღნიშნულ მისამართზე განხორციელდა სადარბაზოსა და კიბის რემონტი.
დასრულებულ სამუშაოებს ადგილზე თბილისის მერის მოადგილე კახაბერ გულედანი, კრწანისის რაიონის გამგებელი ბექა მიქაუტაძე, კრწანისის რაიონის
მაჟორიტარი დეპუტატი საკრებულოში ლევან ჯაფარიძე და მთაწმინა-კრწანისის ოლქში ქართული ოცნების დელეგატი დავით კაჭრავა გაეცნენ.
