,
7 მაისს თბილისში ყოველთვის წვიმს.
ტფილისში ასეთი ჩვეულება იყო: ახალგაზრდა ქალიშვილები იკრიბებოდნენ საცხოვრებელი სახლების ბანზე და ეზოებში. მთელი დღე მღეროდნენ, ცეკვავდნენ და მხიარულ საუბარში ატარებდნენ დროს. თან ცას შეჰყურებდნენ. არსებობდა რწმენა, რომ 7 მაისს, საღამოს აუცილებლად უნდა მოსულიყო წვიმა, ბედნიერების წვიმა! ამიტომ ამ წვიმით თმებს ისველებდნენ, რომ ეს ბედნიერება საკუთარ თმებში შეეშროთ…
ჩვენი წინაპარი შვიდი მაისის წვიმას ბედნიერებას უკავშირებდა, ამ დღის წვიმის წყალს სამკურნალო თვისებასაც მიაწერდა – თვლიდა, რომ თუ ამ დღეს წვიმის წყლით თავს დაიბანდნენ, ეს თმის ხარისხს გააუმჯობესებდა. ამ ამბავზე ეს ხალხური სტროფიც მიუთითებს:
„შვიდ მაისის წვიმაო, თმა კოჭებამდინაო.
შვიდ მაისის წვიმაო, თავზე დამედინაო.
შვიდ-შვიდი ნაწნავი თავზე დამეფინაო“...
ზოგადად წვიმის წყლის მაგიურობის შესახებ ფაქტები ფრანგებისა და გერმანელების ფოლკლორშიც არის შემორჩენილი, მაგრამ შვიდი მაისის წვიმის ბედნიერებასთან დაკავშირება ალბათ მხოლოდ ქართველის ფანტაზიის ნაყოფია...
ამ დღეს თბილისში ყოველთვის წვიმს.
თბილისური ტრადიციის მიხედვით 7 მაისს თბილისში თუ არ იწვიმებდა ეს ავისმომასწავებელ ნიშნად მიიჩნეოდა.
2015 წელის 7 მაისს არ უწვიმია თბილისში. სამწუხაროდ დიდ წვიმა მოვიდა 13 ივნისს.
არც შარშან იწვიმა და კი გვაქვს სახეზე კორონავირუსის პანდემია.
წელს არ დაგავღალატა თბილისმა და იწვიმა.
თბილისური წვიმა დღეს მთელი მსოფლიოსთვის იწვიმებს !!!
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
