წყარო:bm.ge

ინფრასტრუქტურის სამინისტროს მიერ სადეპუტატო კითხვაზე გაცემული პასუხის მიხედვით, მომდევნო ორ წელში 5.7 მილიარდი ლარის ღირებულების პროექტების დასრულება არის დაგეგმილი. მათ შორის ყველაზე მსხვილი ქვეშეთი-კობის მონაკვეთზე გზის და გვირაბის მშენებლობაა, რომლის ღირებულებაც 1.22 მილიარდი ლარია.

სამინისტროს მიერ დეპუტატ ხათუნა სამნიძის კითხვაზე გაცემული პასუხის მიხედვით, ყველაზე ძვირად ღირებული პროექტების ჩამონათვალი ასე ნაწილდება:

● მცხეთა-სტეფანწმინდა-ლარსის საავტომობილო გზის ქვეშეთი-კობის მონაკვეთზე საავტომობილო გზის და გვირაბის მშენებლობა (ADB,EBRD) - 1,225,395,100 ლარი;
● თბილისი-სენაკი-ლესელიძის საავტომობილო გზის უბისა შორაპნის მონაკვეთის რეკონსტრუქცია-მშენებლობა (EIB) - 901,973,200 ლარი;
● თბილისი-სენაკი-ლესელიძის საავტომობილო გზის ხევი უბისას მონაკვეთის რეკონსტრუქცია - მშენებლობა (ADB) - 732,296,500 ლარი;
● თბილისი-სენაკი-ლესელიძის საავტომობილო გზის შორაპანი არგვეთას მონაკვეთის რეკონსტრუქცია-მშენებლობა (ADB) - 582,777,300 ლარი;
● თბილისი-ბაკურციხე-ლაგოდეხის საავტომობილო გზის ლოჭინი-საგარეჯოს მონაკვეთის მშენებლობა - 527,170,000 ლარი;
● ქ. ბათუმის ახალი შემოვლითი გზა (ADB, AIIB) - 329,630,700 ლარი;
● თბილისი-სენაკი-ლესელიძის საავტომობილო გზის ჩუმათელეთი-ხევის მონაკვეთის რეკონსტრუქცია-მშენებლობა (EIB, WB) - 323,882,800 ლარი;
● თბილისი-ბაკურციხე-ლაგოდეხის საავტომობილო გზის საგარეჯო-ბადიაურის მონაკვეთის მშენებლობა (WB) - 294,000,000 ლარი;
● აღმოსავლეთ-დასავლეთის ჩქაროსნული ავტომაგისტრალის დერეფნის გაუმჯობესების პროექტი (ზემო ოსიაური-რიკოთი) (EIB, WB) - 264,992,500 ლარი;
● სენაკი-ფოთი-სარფის საავტომობილო გზის კმ48-კმ64 გრიგოლეთი-ჩოლოქის მონაკვეთის მშენებლობა (EIB) - 228,721,600 ლარი;
● სამტრედია-გრიგოლეთის საავტომობილო გზის კმ 0-კმ 50 მონაკვეთის მოდერნიზაცია-მშენებლობა (EIB, EU) - 180,302,900 ლარი;
● თბილისი-ბაკურციხე-ლაგოდეხის საავტომობილო გზის ბაკურციხე-წნორის მონაკვეთის მშენებლობა (ADB) - 87,857,400 ლარი.