რას გვირჩევენ ვარსკვლავები 4 ივლისისთვის:

ვერძი (21 მარტი - 20 აპრილი)

გირჩევთ ამბიციები მოთოკოთ, თორემ შედეგის ნაცვლად, პრობლემებს მიიღებთ. მშვენიერი დღეა შინაგანი პოტენციალის გამოსავლენად. გადაღლის გამო მოსალოდნელია ქრონიკული დაავადების გამწვავება. დაივიწყეთ სიჯიუტე და ნერვიულობა, რასაც ცუდი შედეგები მოჰყვება. ამ დღეს მიღებული ინფორმაცია აუცილებლად გამოგადგებათ. მალე იპოვით შესაძლებლობას, რომ საკუთარი ცოდნა ფულად აქციოთ.

კურო (21 აპრილი - 21 მაისი)

თქვენს წამოწყებებს დიდი მომავალი აქვს. ეს როგორც სამსახურს, ისე პირად ურთიერთობებსაც ეხება. ამ დღეს საყვარელ ადამიანს ახალი, ძალიან მიმზიდველი მხრიდან დაინახავთ. ეცადეთ რომანტიკული განწყობა რაც შეიძლება დიდხანს შეინარჩუნოთ და უსაზღვრო ბედნიერების განცდა დიდხანს გაგყვებათ. ინტიმურ ურთიერთობებში გირჩევთ ვნებები მოთოკოთ.

ტყუპები (22 მაისი - 21 ივნისი)

გირჩევთ დრო და სასიცოცხლო ენერგია უსარგებლოდ არ დახარჯოთ. ამ კვირაში ყველა ჩანაფიქრს განახორციელებთ, განსაკუთრებით იმას, რომელიც მოგზაურობას და ბიზნესს ეხება. ეცადეთ გარშემო მყოფთა კრიტიკულ კომენტარებს ყურადღება არ მიაქციოთ და ასეთი კომენტარების გაკეთებას თავადაც მოერიდოთ. დროა, გუნდური თამაშის წესები ისწავლოთ, რადგან შექმნილი ვითარება თქვენგან გუნდურ თამაშს მოითხოვს.

კირჩხიბი (22 ივნისი - 22 ივლისი)

ამ დღეს უამრავი საქმე გაქვთ გასაკეთებელი. გირჩევთ სიმტკიცე გამოიჩინოთ და უარი თქვათ ყველაფერზე, რაც გამძიმებთ და კმაყოფილებას არ მოაქვს. წარმატების მისაღწევად გირჩევთ გავლენიან მეგობრებს მხარდაჭერისთვის მიმართოთ - ისინი უარს არ გეტყვიან. თუ მოგზაურობას გეგმავთ, დღეს ამისთვის საუკეთესო დროა. მოგზაურობისას შეიძლება ახალი იდეა გეწვიოთ, რომელსაც მოგვიანებით განახორციელებთ.

ლომი (23 ივლისი - 23 აგვისტო)

პლანეტების ხელსაყრელი განლაგების წყალობით ყველაზე რთულ და დახლართულ საქმესაც კი ადვილად უმკლავდებით. ეცადეთ, რაღაც ახალი ისწავლოთ - შეძენილი ცოდნა და უნარები ძალიან მალე გამოგადგებათ. შეგიძლიათ მნიშვნელოვანი ფინანსური საკითხები მოაგვაროთ - როდესაც საქმე ფულს ეხება, თქვენი ინტუიცია განსაკუთრებით კარგად მუშაობს.

ქალწული (24 აგვისტო - 23 სექტემბერი)

საკმაოდ დაძაბული დღეა. გირჩევთ ცვლილებებისთვის მოემზადოთ და ცვალებად გარემოებებთან შეგუება ისწავლოთ. ფინანსური მდგომარეობის უმნიშვნელო გაუმჯობესება გელით. თუ ვინმე თქვენი ყურადღების მიპყრობას დაჟინებით ცდილობს, ფხიზლად უნდა იყოთ - სავარაუდოდ, ის თქვენი ნდობის მოპოვებას ცდილობს, რათა საკუთარი მიზნებისთვის გამოგიყენოთ. საღამოს საყვარელ ადამიანთან ერთად დროს სასიამოვნოდ გაატარებთ.

სასწორი (24 სექტემბერი - 23 ოქტომბერი)

დამღლელი დღეა. ურთიერთობების შესანარჩუნებლად დიდი ძალისხმევა უნდა გამოიჩინოთ. თავი შეიკავეთ დაპირებების მიცემისგან, რადგან მათი შესრულება გაგიჭირდებათ. სანამ გადაღლა ნერვიულ სტრესამდე მიგიყვანთ, გირჩევთ ხელმძღვანელობას დაელაპარაკოთ და პასუხისმგებლობის ნაწილი კოლეგებს გაუნაწილოთ.

მორიელი (24 ოქტომბერი - 22 ნოემბერი)

ამ დღეს უფრო საკუთარი სიამოვნებისთვის მუშაობთ, ვიდრე შედეგისა და მოგებისთვის. თქვენი მუშაობის შედეგები ღირსეულად დაფასდება, მაგრამ მომდევნო დღეებში შეიძლება თქვენს ავტორიტეტს საფრთხე დაემუქროს. დღის მეორე ნახევარში საყვარელი საქმიანობა და ძველი მეგობრები დაგეხმარებიან ემოციურად განიტვირთოთ და სამსახურის პრობლემები დაივიწყოთ.

მშვილდოსანი (23 ნოემბერი - 21 დეკემბერი)

ამ დღეს ჯანმრთელობას განსაკუთრებული ყურადღება უნდა მიაქციოთ. ეცადეთ დილა შრომატევადი საქმეებით არ დაიწყოთ, თორემ საღამოს დაღლილობას ვერ გაუმკლავდებით. მოსალოდნელია თავის ტკივილი და საჭმლის მომნელებელი სისტემის პრობლემები. დღის განმავლობაში მოსაწყენი სამუშაოს შესრულება მოგიწევთ, მაგრამ მიზნის მისაღწევად ეს მნიშვნელოვანი იქნება.

თხის რქა (22 დეკემბერი - 20 იანვარი)

ძალიან რთული დღეა. მოთმინება გამოიჩინეთ, რომ დღე მშვიდობიანად დაასრულოთ. ადამიანები, რომლებსაც დღეს შეხვდებით, უსიამოვნო ენერგიას ატარებენ. მცირე პრობლემების გამო ნუ შეშინდებით - მალე ყველაფერი მოგვარდება და გამარჯვებას მიაღწევთ. გაუფრთხილდით ჯანმრთელობას და ნუ გადაიღლებით. ახალ ნაცნობებს მოერიდეთ და საღამო ძველ მეგობრებთან ერთად გაატარეთ.

 მერწყული (21 იანვარი - 18 თებერვალი)

ამ დღეს მთავარია, ნაჩქარევი გადაწყვეტილება არ მიიღოთ. საკუთარი თავით კმაყოფილი ხართ და ყველაფერი გამოგდით. გეგმის განხორციელებაში კოლეგები დაგეხმარებიან, თქვენ კი ეცადეთ, რომ იმედი არ გაუცრუოთ. საქმიან ქაღალდებთან მუშაობის დროს და ძვირფას ნივთებთან განსაკუთრებული სიფრთხილე უნდა გამოიჩინოთ - მოსალოდნელია შეცდომები და ფინანსური ზარალი. ეცადეთ მავნე ჩვევებისგან გათავისუფლდეთ, რომლებიც საყვარელ ადამიანთან ურთიერთობას აფუჭებს.

თევზები (19 თებერვალი - 20 მარტი)