USD
EUR
RUB
თბილისი
„4 000 კვების ობიექტი აღარ არსებობს“ - შოთა ბურჯანაძე სარესტორნე ბიზნესის გამოწვევებზე
თარიღი : 06.29.2021 10:03  433


რესტორატორი იმ პრობლემებს განმარტავს, რომელმაც რესტორნების დახურვა გამოიწვია და ამბობს, რომ რესტორნები კომპლექსური გამოწვევების წინაშე დგანან.

„პანდემიის შემდეგ რესტორნების უმრავლესობამ ამოქმედება რამდენიმე მიზეზის გამო ვერ შეძლეს: ობიექტები, რომელიც იჯარით აღებულ ფართში ოპერირებდნენ, მეიჯარეებთან დაგროვილი გადასახადების გამო, ბიზნეს სუბიექტებმა ვალდებულებების შესრულება ვერ შეძლეს;

მეორე ისაა, რომ სარესტორნე ქსელებმა, ობიექტების რაოდენობა შეამცირეს და შესაბამისად თანამშრომლებიც დაითხოვეს; დღეისთვის კი კვალიფიციური თანამშრომლების მოძიება ჭირს;

ფუნქციონირებისთვის, რესტორანს ფინანსური რესურსები ესაჭიროებათ, რადგან კოვიდის პერიოდში ზეწოლა ბანკებიდან, საგადასახადო კუთხით იყო და ამ ფინანსურ წნეხს ვერ გაუძლეს.

წინა წლებში სარესტორნე ბიზნესში რა მოთხოვნაც იყო ტურისტული სფეროს აქტიურობიდან გამომდინარე, როდესაც 9 მლნ ტურისტი გვყვავდა, თუ იმავე მაჩვენებლებს დავუბრუნდით, მაშინ რესტორნები აღდგენას შეძლებენ, თუმცა დღეს ამ რაოდენობას ვერ მივიღებთ, რადგან რესტორნები არ არსებობს და ინფრასტრუქტურა არის“, - აცხადებს შოთა ბურჯანაძე.

მისივე ინფორმაციით, რესტორნები, რომლებიც დღეს არსებული მოთხოვნის საფუძველზე სრული დატვირთვით მუშაობენ, ასევე გამოწვევების წინაშე დგანან.

„მეორეს მხრივ ტურისტული ნაკადების 2019 წლის მაჩვენებლების 50%-ით აღდგენა პარადოქსულია. ინფრასტრუქტურის კუთხით არსებული პრობლემების გარდა, არსებულ რესტორნებს, რომლებიც დღეს ოპერირებენ, საჭირო რაოდენობით დასაქმებულები არ ჰყავთ. პარადოქსულია, რომ ვაკანსიების რაოდენობა დღეს ძალიან ბევრია, ხოლო უმუშევრობა გაზრდილია. რეალურად კადრები არ არის“, - აცხადებს რესტორატორი.

არსებული მდგომარეობის გათვალისწინებით რესტორატორთა ასოციაციის თანადამფუძნებელი ეკონომიკის სამინისტროს ინიციატივით მიმართავს: „რესტორნების დიდი რაოდენობა ოპერირებას ვერ ახერხებს, რადგან მათ ქორწილების და სხვადასხვა ღონისძიებების გადახდა არ შეუძლიათ. ამ მხრივ ძალიან ბევრი კანონდარღვევაა. გარკვეული ბიზნეს სუბიექტები ქორწილებს და „ივენთებს“ მაინც აწყობენ, რაზეც ყურადღება არ მახვილდება და თვალის დახუჭვა ხდება. ამიტომ გვაქვს ინიციატივა, რომ დაუშვან მინიმუმ 50 კაციანი ღონისძიებების გამართვა, რათა ეს საქმიანობა „გათეთრდეს“ და თუ დამსწრეთა ამაზე მეტი რაოდენობით ჩატარდება ღონისძიება, მაშინ მოხდეს დაჯარიმება.

ეკონომიკის სამინისტროსთან კომუნიკაცია სულ გვაქვს და ოფიციალურად ეკონომიკის სამინისტროს უახლოეს პერიოდში მივმართავთ“, - აცხადებს შოთა ბურჯანაძემ.

გამოყენებულია bm.ge-ის მასალა.

სხვა
ინდოეთის ტყის კაცი ჯადავ პაიენგი, ვინც 550 ჰექტარ უნაყოფო მიწაზე მარტომ გააშენა ტყის მასივი

ოთხი ათწლეულის წინ, 16 წლის ჯადავ „მოლაი“ პაიენგმა მდინარე ბრაჰმაპუტრაზე მდებარე, მსოფლიოში უდიდეს კუნძულ მაჯულისზე უამრავი გვალვის გამო დახოცილი გველი ნახა.  მაშინ, ჯერაც ბავშვს, დააინტერესა, ერთ დღეს ადამიანებსაც იგივე ბედი ხომ არ ელოდათ.

ნანახმა იმდენად შეძრა, რომ საკუთარ სახლთან ახლოს მან ნერგების დარგვა დაიწყო. ამ საქმეს მან თავისი სიცოცხლის 40 წელზე მეტი მიუძღვნა; ტყის კაცმა, დაახლოებით 550 ჰექტარ ტერიტორიაზე, სრულიად მარტომ დარგო ხეები.

ჯადავ პაიენგმა თავი დაანება სწავლას, რათა მთელი დრო და ენერგია ტყეების განაშენიანებისთვის დაეთმო. კამეჩებით მოვაჭრის ოჯახში დაბადებული ჯადავი წარმოშობით ინდოეთის ჩრდილო-აღმოსავლეთით მდებარე რეგიონში, ასამში მცხოვრები თემიდანაა.

მან მდინარე ბრაჰმაპუტრას მშრალ, ქვიშიან სანაპიროზე დაიწყო მცენარეების თესლების და ნერგების დარგვა. ადგილობრივები ურჩევდნენ, რომ ისეთი ხის ჯიშები დაერგო, რომლებიც მკაცრ კლიმატურ პირობებს გაუძლებდნენ. თავიდან ჯადავმა 25 ნერგითა და მცირე ოდენობით თესლებით დაიწყო.

ჯადავის ამბავი პირველად 2010 წელს გახდა ცნობილი, როდესაც ჯითუ კალიტამ, ველური ბუნების ფოტოგრაფმა და დამოუკიდებელმა ჟურნალისტმა მისი საქმიანობის შესახებ დაწერა. ამ ფაქტს მალევე საერთაშორისო აღიარება მოჰყვა და მსოფლიოს მრავალი ქვეყნიდან ხალხმა მისი ტყის მოსანახულებლად ჩამოსვლა დაიწყო, სადაც 120-ზე მეტი ფრინველის სახეობა ბინადრობს, მათ შორის მრავალი გადამფრენი ჩიტიც.

ამ ადამიანის ხელით გაშენებულ ტყეში კაზირანგას ტყის ნაკრძალიდან ხშირად ისეთი დიდი ცხოველებიც გადმოდიან, როგორიცაა ვეფხვები და სპილოები. ტყის კაცის თქმით, სპილოების დიდი ჯოგი აქ ყოველწლიურად 3 თვეს ატარებს.

პაიენგი ხეების ნერგების დარგვას ტროპიკული წვიმების დადგომამდე 3 თვით ადრე იწყებს, რომელიც, როგორც წესი ყოველწლიურად, ივნისში იღებს სტარტს. წლის დანარჩენ დროს იგი ტყიდან თესლების შეგროვებას უთმობს.  მისი თქმით, ბრაკონიერები კვლავ რჩებიან მისი ტყის მთავარ საფრთხედ, თუმცა ადგილობრივი სატყეო დეპარტამენტი მას ტყის დაცვაში ეხმარება. ჯადავი ამბობს, რომ აუცილებელია, მომავალ თაობებს ვასწავლოთ ტყის მასივების შემცირებით გამოწვეული საფრთხეების შესახებ. მათ უნდა უყვარდეთ ბუნება. მისი თქმით, ტყეს უკვე შეუძლია საკუთარი თავის მოვლა, თუკი მას ადამიანები არ შეეხებიან.

ტყის მცველს თავისი გამორჩეული წვლილისთვის მიღებული აქვს ინდოეთის ერთ-ერთი უმაღლესი სამოქალაქო ჯილდო, პადმა შრი. მის საყვარელ ტყეს მის პატივსაცემად „მოლაი“ უწოდეს. ამ ადამიანის ისტორია შეტანილია ეკოლოგიურ სასკოლო პროგრამებში, მათ შორის, აშშ-შიც. იგი მიწვეულია მექსიკაში, რათა დაეხმაროს არასამთავრობო ორგანიზაციას Fundacion Azteca, რომლის მიზანია ქვეყანაში 7 მილიონი ხის დარგვა. ის თავის მდიდარ გამოცდილებას მექსიკელებს გაუზიარებს.

 

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.