,
ვერძი (21 მარტი - 20 აპრილი)
ეცადეთ, კითხვებზე პასუხები ახლავე მიიღოთ და გადაუჭრელი პრობლემები სამომავლოდ არ დატოვოთ. ხელსაყრელი დღეა ახალი პროექტის დასაწყებად. სხვა ადამიანების აზრს პატივი ეცით და ნუ ეცდებით, რომ კამათის დროს ოპონენტზე ზეწოლა მოახდინოთ. ოჯახს საოჯახო საქმეებში თქვენი დახმარება სჭირდებათ და იმედს ნუ გაუცრუებთ. მით უმეტეს, რომ სასიცოცხლო პოტენციალი იმდენად მაღალია, რომ დაღლას პრაქტიკულად ვერ გრძნობთ.
კურო (21 აპრილი - 21 მაისი)
ჩანაფიქრის განხორციელებას ხანგრძლივი და დაძაბული მუშაობა სჭირდება, თუმცა დღეს ამის სურვილს ვერ გრძნობთ. გაითვალისწინეთ, რომ თქვენი პროფესიული წინსვლა იმაზეა დამოკიდებული, რამდენად მოახერხებთ ამოცანის შესრულებას. გახსოვდეთ, რომ სასურველ შედეგს მხოლოდ კარგად გააზრებული, თანმიმდევრული ქმედებები მოგიტანთ.
ტყუპები (22 მაისი - 21 ივნისი)
ეცადეთ, გვერდით გყავდეთ ადამიანი, რომელიც მხარს გიჭერთ და საჭირო დროს, საჭირო რჩევის მოცემა შეუძლია. ასევე, ეცადეთ თქვენი შესაძლებლობების მაქსიმუმი გამოავლინოთ და მენეჯმენტის ქება დაიმსახუროთ. ამ დღეს მნიშვნელოვან სიახლეს ან ღირებულ ინფორმაციას მიიღებთ, რაც ფინანსური შემოსავლის მიღებაში დაგეხმარებათ.
კირჩხიბი (22 ივნისი - 22 ივლისი)
ამ დღეს შეიძლება თქვენი პატარა სურვილები ახდეს, ამიტომ ეცადეთ, ძალისხმევა სწორად მიმართოთ. რთულ სიტუაციაში ძალების მოკრეფას და სიტუაციის თქვენს სასარგებლოდ შემობრუნებას შეძლებთ. თუ მარტოხელა ხართ, შეიძლება შეხვდეთ ადამიანს, რომელიც თქვენს ცხოვრებას გაალამაზებს. დღის მეორე ნახევარში შეგიძლიათ ცოტა მოდუნდეთ და დაისვენოთ.
ლომი (23 ივლისი - 23 აგვისტო)
ბევრი საინტერესო იდეა და გეგმა გაქვთ, მაგრამ ვარსკვლავები გირჩევენ, არ აჩქარდეთ. გირჩევთ განმარტოებით იმუშაოთ, რადგან სხვების დახმარება არაფერში გამოგადგებათ. გახსოვდეთ, რომ რაც უფრო სწრაფად დაეშვებით ღრუბლებიდან, მით უფრო მალე მიაღწევთ სასურველ შედეგს. შეწყვიტეთ წარსულის შეცდომებზე ფიქრი - ახლა თვითკრიტიკა არ გამოგადგებათ.
ქალწული (24 აგვისტო - 23 სექტემბერი)
ამ დღეს ფინანსური საკითხების განხილვა და მატერიალურ სფეროსთან დაკავშირებული საკითხების მოგვარება მოგიწევთ. გირჩევთ ძვირად ღირებული ნივთების შეძენას მოერიდოთ. ფრთხილად იყავით ახალ ნაცნობებთან - გამორიცხული არ არის, რომ მათგან რომელიმემ თქვენი მოტყუება სცადოს. ძალების აღსადგენად მშვიდი დასვენება გჭირდებათ, ამიტომ ეცადეთ, საღამოს საქმეზე არ იფიქროთ.
სასწორი (24 სექტემბერი - 23 ოქტომბერი)
წინდახედულება დაგეხმარებათ, რომ ეს დღე დანაკარგების გარეშე დაასრულოთ და ბევრი რთული საკითხი გადაჭრათ. ეცადეთ, მკაფიო სამოქმედო გეგმა შეადგინოთ და სათადარიგო ვარიანტებზეც იფიქროთ, თუ რაღაც გაუთვალისწინებელი მოხდა. კოლეგებთან პროფესიულ თემებზე ურთიერთობის დროს ეცადეთ, ემოციები აკონტროლოთ და თქვენი უადგილო კომენტარით არავინ შეურაცხყოთ.
მორიელი (24 ოქტომბერი - 22 ნოემბერი)
ამ დღეს ახალ გარემოებებთან ადაპტაციისთვის გეგმების შეცვლა მოგიწევთ, თუმცა ამის გამო არ უნდა ინერვიულოთ. ეცადეთ, პირად ურთიერთობებში მეტი თავშეკავება გამოიჩინოთ. სასურველია მნიშვნელოვანი საუბრები და განხილვები სხვა დღისთვის გადადოთ - ამ დღეს კომპრომისის მიღწევა გაგიჭირდებათ.
მშვილდოსანი (23 ნოემბერი - 21 დეკემბერი)
ამ დღეს ვარსკვლავები გირჩევენ, მხოლოდ საკუთარ ძალებს დაეყრდნოთ. სხვების რჩევა და დახმარება უფრო დაგაზიანებთ, ვიდრე გარგებთ. ეცადეთ, რუტინული ამოცანა არასტანდარტული გზით გადაჭრათ და კოლეგები გააოცოთ. სიმტკიცე და თავდაჯერება საიმედო მოკავშირეების პოვნაში დაგეხმარებათ, მაგრამ არც საკუთარი ჯანმრთელობის შესახებ დაივიწყოთ - დროა, მავნე ჩვევებზე უარი თქვათ და ვარჯიში დაიწყოთ.
თხის რქა (22 დეკემბერი - 20 იანვარი)
ამ დღეს აქტიურობა მიზნის მიღწევაში დაგეხმარებათ, თუმცა საყვარელ ადამიანებთან ურთიერთობისას ფრთხილად უნდა იყოთ - შესაძლოა, უმნიშვნელო კამათს დიდი კონფლიქტი მოჰყვეს. წვრილმან დავალებებს ნუ უგულებელყოფთ, გახსოვდეთ, რომ ეშმაკი დეტალებში იმალება.
მერწყული (21 იანვარი - 18 თებერვალი)
მოემზადეთ მნიშვნელოვანი და განსაკუთრებული შეხვედრისთვის. სავარაუდოდ, ახალი ნაცნობები თქვენი კარგი მეგობრები გახდებიან და თქვენს ცხოვრებას შეცვლიან. ეცადეთ, მნიშვნელოვანი საკითხის გადაჭრის დროს მეტი თავდაჯერება და პრინციპულობა გამოიჩინოთ. დიპლომატიური უნარები ყოფილი ოპონენტების მეგობრებად ქცევაში დაგეხმარებათ.
თევზები (19 თებერვალი - 20 მარტი)
ამ დღეს ბევრი სამუშაო გელით, ამიტომ შეთავაზებულ დახმარებაზე უარს ნუ იტყვით. სახლში ჯდომისთვის შეუფერებელი დღეა - ახლა რაც შეიძლება მეტი შეხვედრა და ურთიერთობა გჭირდებათ. მოერიდეთ უმნიშვნელო მიზეზის გამო ადამიანების გაკრიტიკებას. ფრთხილად იყავით დოკუმენტზე ხელის მოწერის დროს და კითხვების შემთხვევაში სპეციალისტს მიმართეთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
