,
ვერძი (21 მარტი - 20 აპრილი)
მოვლენებით დატვირთული დღეა, რომელიც უამრავ დადებით ემოციას მოგიტანთ. დაუჯერეთ ახლობელი ადამიანის რჩევას და არ ინანებთ. მოსალოდნელია ფინანსური შემოსავალი და მოგებიანი გარიგებები. შესყიდვები, თუნდაც დაუგეგმავი, წარმატებული იქნება. ყველაფერში, რაც ფულს ეხება, ინტუიციას უნდა დაეყრდნოთ, მაგრამ პირად ურთიერთობებში თქვენი ინტუიცია ყოველთვის ზუსტი არ არის.
კურო (21 აპრილი - 21 მაისი)
დღის პირველ ნახევარში ზედმეტად ემოციური ხართ, ნებისმიერ წვრილმანზე ნერვიულობთ და ბრაზდებით, თუ რამე არ გამოგდით. ყველაზე ცუდი ის არის, რომ ამის გამო საყვარელ ადამიანთან კონფლიქტი გელით. შეეცადეთ, დაუფიქრებელი განცხადებებისგან თავი შეიკავოთ. დღის მეორე ნახევარი ბევრ საკითხში წარმატებას გპირდებათ, მათ შორის ისეთებშიც, რომელთა მოგვარებას არ ელოდით.
ტყუპები (22 მაისი - 21 ივნისი)
ამ დღეს საკუთარი თავისთვის და სხვებისთვის ბევრი სასარგებლო საქმის გაკეთება შეგიძლიათ. მნიშვნელოვანია, რომ დრო ტყუილად არ დაკარგოთ და კარგად გაიაზროთ, რისი მიღწევა გსურთ და რა შეგიძლიათ.
გირჩევთ, ძველი გეგმები და იდეები გაიხსენოთ. სავარაუდოდ, მათი განხორციელებისთვის ხელსაყრელი დრო დადგა. ხშირად იმაზე სწრაფად მოქმედება გიწევთ, ვიდრე მიჩვეული ხართ. ეცადეთ, ასეთ მომენტებში არ ინერვიულოთ და შეცდომებს არ დაუშვებთ.
კირჩხიბი (22 ივნისი - 22 ივლისი)
თუ ამ დღისთვის მნიშვნელოვანი საქმე დაგეგმეთ, მოიფიქრეთ, ვინ შეიძლება მასთან გამკლავებაში დაგეხმაროთ. ხშირად სასურველი შედეგის მისაღწევად ძალების გაერთიანება აუცილებელია, მაგრამ თქვენი მოკავშირეები თქვენსავით დაინტერესებულები უნდა იყვნენ. შესაძლოა, პროფესიულ თანამშრომლობაზე შეთანხმდეთ და შესაბამის დოკუმენტებს ხელი მოაწეროთ.
ფრთხილად იყავით - დილას უსიამოვნო ინციდენტები და სამწუხარო დამთხვევები გელით. მოგვიანებით სიტუაცია უკეთესობისკენ შეიცვლება - თქვენ დაინახავთ შესაძლებლობებს, რომლებიც აქამდე არ შეგიმჩნევიათ და მიხვდებით, მიზანს როგორ მიაღწიოთ. დღის მთელი მეორე ნახევარი ხელსაყრელია ურთიერთობისთვის. როგორც საქმიანი, ისე პირადი შეხვედრები კარგად მიმდინარეობს. ზოგი ლომი ურთიერთობას აღადგენს ადამიანთან, ვისაც დიდი ხნის წინ დაშორდა.
ქალწული (24 აგვისტო - 23 სექტემბერი)
დაწყებული საქმის დასრულება ადვილი არ იქნება, მაგრამ თქვენ ამას შეძლებთ. ამ დღეს ქალწულებისთვის ემოციების კონტროლი განსაკუთრებით მნიშვნელოვანია. ბევრს ადრე მიღებული გამოცდილება სასურველი შედეგის მიღებაში დაეხმარება. დღის მეორე ნახევარი სასიამოვნო სიახლეებს გპირდებათ. შეიძლება დიდი ხნის უნახავი ადამიანები გესტუმრონ.
ზოგჯერ გარშემო მყოფ ადამიანებთან ურთიერთობა გიჭირთ. ის, ვინც ადრე გონიერი და წინდახედული გეგონათ, ახლა უცნაურ რაღაცებს აკეთებს. ეცადეთ ეს მშვიდად მიიღოთ, რადგან კონფლიქტები არაფერში გჭირდებათ. შესანიშნავად უმკლავდებით ყველაფერს, რაც შემოქმედებით მიდგომას მოითხოვს და ეცადეთ ეს შანსი თქვენს სასარგებლოდ გამოიყენოთ.
მორიელი (24 ოქტომბერი - 22 ნოემბერი)
ამ დღეს ერთდროულად რამდენიმე საქმის კეთება მოგიწევს და შესაძლოა, შეცდომის თავიდან აცილება ვერ შეძლოთ, თუმცა სერიოზული პრობლემები მოსალოდნელი არ არის. შუადღე იდეალური დროა მეგობრებთან ერთად გართობისა და დასვენებისთვის. შეგიძლიათ ძველ გატაცებას დაუბრუნდეთ, რომელიც დადებით ემოციებს გპირდებათ.
მშვილდოსანი (23 ნოემბერი - 21 დეკემბერი)
დღის დასაწყისში მოსალოდნელია სირთულეები. შეიძლება ამის მიზეზი თქვენივე დაუფიქრებელი სიტყვები იყოს. ნუ იჩქარებთ გადაწყვეტილების მიღებას. ზოგჯერ ჯობია საკუთარი იდეები თქვენთვის შეინახოთ და მოვლენების განვითარებას დაელოდოთ. დღის მეორე ნახევარი გაცილებით სასიამოვნო იქნება. საინტერესო შეხვედრები განწყობას აგიმაღლებთ. ხელსაყრელი დროა, რომ საყვარელ ადამიანთან სამომავლო გეგმებზე ისაუბროთ.
თხის რქა (22 დეკემბერი - 20 იანვარი)
ეს დღე სიხარულის მიზეზს მოგცემთ. ბევრი ახალი გეგმა და იდეა გაჩნდება და ცდილობთ, მათი განხორციელება დაუყოვნებლივ დაიწყოთ. სანამ მოქმედებაზე გადახვალთ, ჯობს ყველაფერი კარგად გაიაზროთ და სამოქმედო გეგმა შეადგინოთ. არ არის გამორიცხული, რომ ძველი ნაცნობების რჩევა დაგჭირდეთ. მოსალოდნელია სასიამოვნო შეხვედრები და ნაცნობობა, რომელიც მეგობრობაში ან სიყვარულში გადაიზრდება.
მერწყული (21 იანვარი - 18 თებერვალი)
დღის დასაწყისში მცირე უსიამოვნება და გაუგებრობა გელით. შესაძლოა, გეგმების შეცვლა მოგიწიოთ, მაგრამ ნეგატიური ტენდენციების გავლენა დიდხანს არ გაგრძელდება, მალე სიტუაცია უკეთესობისკენ შეიცვლება და თავს ბევრად უფრო თავდაჯერებულად იგრძნობთ. დღის მეორე ნახევარი სასიამოვნო სიურპრიზებს გპირდებათ. შესაძლოა, გაიცნოთ ადამიანი, რომელიც თქვენს ცხოვრებას შეცვლის.
დღის დასაწყისი წარმატებული და ნაყოფიერი იქნება, ამიტომ გირჩევთ, მნიშვნელოვანი საქმეები ამ დროისთვის დაგეგმოთ. დღის მეორე ნახევარში მთელი ყურადღება საყვარელ ადამიანებთან ურთიერთობაზე გადაიტანეთ - მათთან შესაძლოა, უთანხმოება და კამათი მოგივიდეთ. ეცადეთ ემოციებს არ აჰყვეთ. სიმშვიდე შეინარჩუნეთ და ყველა კითხვაზე პასუხს იპოვით.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
