28 აპრილი — გრიგორიანული კალენდრის მე-118 დღე (ნაკიან წლებში — 119-ე დღე). წლის ბოლომდე დარჩენილია 247 დღე.

დღის მოვლენები

• 1788 : მერილენდი გახდა აშშ-ს მე-7 შტატი.
• 1920 : აზერბაიჯანი გახდა საბჭოთა კავშირის ნაწილი.
• 1932 : მალარიის საწინააღმდეგო ვაქცინის პოვნა გამოცხადდა ადამიანებისთვის.
• 1945 : იტალიელმა პარტიზანებმა შეიპყრეს ბენიტო მუსოლინი.
• 1947 : ტურ ჰეიერდალი და მისი გუნდის წევრების პერუს ტოვებენ ტივით კონ-ტიკი, რათა დაამტიკონ რომ შესაძლებელია პერუელი ადგილობრივები პოლინეზიაში დასახლებულიყვნენ.
• 1952 : ოკუპირებული იაპონია: აშშ-ს მიერ იაპონიის ოკუპირება დასრულდა.
• 1978 : ავღანეთის პრეზიდენტი მუჰამედ დაუდ ხანი ჩამოგდებულ და მოკლულ იქნა პრო-კომუნისტური მეამბოხეების მიერ მოწყობილ გადატრიალებისას.
• 2001 : მილიონერი დენის ტიტო მსოფლიოში პირველი კოსმოსური ტურისტი ხდება.
• 2015 : საქართველოს ქალ მოჭადრაკეთა ნაკრები მსოფლიო ჩემპიონი გახდა.
• 2022 : დრიტან აბაზოვიჩი მონტენეგროს პარლამენტმა პრემიერ-მინისტრად აირჩია.

ამ დღეს დაბადებულნი

• 1758 : ჯეიმზ მონრო — აშშ-ის სახელმწიფო მოღვაწე
• 1900 : ბრუნო აპიცი — გერმანელი მწერალი
• 1908 : ოსკარ შინდლერი — გერმანელი ბიზნესმენი, მეორე მსოფლიო ომის დროს 1100 ებრაელი გადაარჩინა
• 1937 : სადამ ჰუსეინი — ერაყელი სახელმწიფო მოღვაწე
• 1953 : რობერტო ბოლანიო — ჩილელი მწერალი.

ამ დღეს გარდაცვლილნი

• 1813 : მიხეილ კუტუზოვი — რუსი მხედართმთავარი, გენერალ-ფელდმარშალი
• 1945 : მუსოლინი, ბენიტო — იტალიელი სახელმწიფო მოღვაწე
• 1970 : ბაქრაძე, კონსტანტინე — ქართველი ფილოსოფოსი
• 1992 : ბალანჩივაძე, ანდრია — ქართველი კომპოზიტორი, პედაგოგი, საზოგადო მოღვაწე.

დღესასწაულები

• მართლმადიდებელი ეკლესია აღნიშნავს შემდეგი წმინდანების ხსენების დღეს:

• • წმინდა სუქია და მისთანა 16 ქართველი: ანდრია, ანასტასი, თალალე, თეოდორიტე, ივქირიონი, იორდანე, კონდრატე, ლუკიანე, მიმნანოსი, ნერანგიოსი, პოლიევქტოსი, იაკობი, ფოკა, დომენტიანე, ბიქტორი და ზოსიმე
  • არისტარქოსი, პუდი და ტროფიმე — სამოცდაათთაგანნი
  • ვასილისა და ანასტასია
  • მოწამე საბა