,
მთვარის მე-21-22 დღე. დღის დასაწყისში შეიძლება რთული იყოს აზრების მობილიზება. წვრილმანი თემები მეტ მნიშვნელობას შეიძენს, ნებისმიერი შეფერხებაც სერიოზული პრობლემად წარმოჩინდება, მაღალია ყველაფერზე უარის თქმის სურვილის გაჩენის ალბათობა.
მაგრამ სიტუაცია უკეთესობისკენ შეიცვლება, თუ გამოიჩენთ მიზანსწრაფულობასა და მონდომებას. არ შეგეშინდეთ რთული ამოცანების: არის შანსი, სწრაფად გადაჭრათ ისინი, მიაღწიოთ შესანიშნავ შედეგს. საღამო კარგი იქნება ნებისმიერ თემაზე მნიშვნელოვანი საუბრისთვის.
ვერძი - დიდ ინტერესს იწვევს თქვენი გასაიდუმლოებული თუ იდუმალებით მოცული ურთიერთობები. ყურადღება თქვენი პერსონის მიმართ იზრდება.
კურო - დღეს სიმშვიდე და პოზიტიურ ადამიანებთან ურთიერთობა, ან სასიამოვნო გარემოცვა ძალებს შეგმატებთ.
ტყუპები - მოთოკეთ თქვენი ბობოქარი გრძნობები, იყავით მომთმენი და თანაგრძნობა გამოიჩინეთ სხვათა მიმართ.
კირჩხიბი -დღეს დიდია სიურპრიზებისა და სასიამოვნო მოულოდნელობების ალბათობა.
ლომი - თქვენი კომუნიკაბელურობა იზრდება, თქვენი პოპულარობა მწვერვალს აღწევს.
ქალწული - პროფესიულ საქმიანობაში და კარიერულ საკითხებში სასიამოვნო ცვლილებებს და წარმატებას ელოდეთ.
სასწორი - იყავით ჰარმონიაში საკუთარ თავთან და ზედმეტად ნუ გადაიტვირთებით.
მორიელი - თეორიული მიღწევები მნიშვნელოვანია, მაგრამ პრაქტიკული საქმიანობით უნდა გამყარდეს.
მშვილდოსანი - კარგი იქნება თუ დაეხმარებით თქვენს ახლობელს, რომელსაც აუცილებლად ესაჭიროება დახმარება და მხარში დგომა თქვენგან.
თხის რქა - არის ალბათობა რთულ მოლაპარაკებებში ან გარჩევებში მოგიწიოთ ჩართვა, მაგრამ მიუხედავად დაძაბული ფონისა,შესაძლოა პერსპექტიულიც აღმოჩნდეს ეს სიტუაცია.
მერწყული - ახალ იდეებს ყურადღება მიაქციეთ, არის ალბათობა ძალიან სასარგებლო აღმოჩენა გააკეთოთ.
თევზები - ფრთხილად ფულთან, უაზრო წვრილმანების შეძენით ნუ გაატანთ ქარს თქვენს ფინანსებს.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
