,
26-28 აპრილს ექსპოჯორჯიაში სამშენებლო მასალების (Caucasus Build) და უძრავი ქონების გამოფენა და საერთაშორისო ფორუმი იხსნება.
220-მდე კომპანია, აქედან 40 სხვადასხვა ქვეყნის მასალების მწარმოებელი ძალიან მრავალფეროვანი პროდუქციით და სპეციალური შეთავაზებებით დაგხვდებათ ადგილზე.
45 დეველოპერული კომპანია და 10 საბროკერო კომპანია უპრეცედენტო ფასდაკლებებს, გათამაშებებს და განსაკუთრებულ პირობებს სთავაზობს დამთვალიერებელს სამი დღის განმავლობაში.
პროექტის ფარგლებში 40 საერთაშორისო საბროკერო კომპანია და ინვესტორი ეწვია საქართველოს რომლებიც ორი დღის განმავლობაში ბ2ბ შეხვედრებს გამართავენ ადგილობრივ კომპანიებთან.
მნიშვნელოვანი სტუმრები არიან კონფერენციის ნაწილშიც ჩამოსული, სხვადასხვა ქვეყნის ( გერმანია, ჩინეთი დუბაი) საგამოფენო ცენტრის დირექტორები,
ლატვიის Citadele Bank-ის სტრატეგიული პარტნიორობის (უძრავი ქონების სამმართველო) ხელმძღვანელი,მერთერთი ყველაზე მსხვილი პოლონური სამშენებლო კომპანია - MIRBUD S.A მფლობელი და დირექტორი, Silicon Valley Proptech Association -ის დამფუძნებელი / პრეზიდენტი
(FIABCI) Proptech-ის მსოფლიო საბჭო, პრეზიდენტი და სხვა.
კონფერენციის ფარგლებში სამშენებლო სექტორის წარმომადგენლებისთვის ძალიან საინტერესო შეხვედრები არის დაგეგმილი ხარისხის ინფრასტრუქტურის მიმართულებით სახელმწიფოს წარმომადგენლებთან და დონორ ორგანიზაცოებთან: GIZ, PTB CzDA.
საქართველოს სტანდარტებისა და მეტროლოგიის ეროვნული სააგენტოს დირექტორი , სტანდარტიზაციის განყოფილების უფროსი - ერთიანი აკრედიტაციის ორგანოს- აღმასრულებელი დირექტორი ისაუბრებენ მიმდინარე პროცესებზე და გეგმებზე.
გამოფენა და კონფერენცია ხვალ 10:30 საათიდან გაიხსნება, დასწრება თავისუფალია!
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
