,
მთვარის 15-16 დღე. დღეს თხის რქის ნიშანში მყოფი მთვარე სიცოცხლისა და წარსული გზის დაფასებას გვთავაზობს. დღის განმავლობაში, მოგიწევთ წარსულთან შეხვედრა, მათ შორის, არც თუ ისე სასიამოვნო ეპიზოდებიც შესაძლოა, იყოს. ძველმა ოჯახურმა მტრობამ, სიყვარულმა ან პროფესიულმა ეჭვიანობამ შეიძლება კვლავ გაგახსენოთ თავი. ამავე დროს, დღე არ უწყობს ხელს აგრესიას. უმჯობესია, აპატიოთ და დაივიწყოთ ზოგიერთი დეტალი, დაიტოვეთ მხოლოდ დაგროვილი გამოცდილება.
ვერძი
სანამ რაიმე ახალ საქმეს წამოიწყებთ, სჯობს დაასრულოთ ძველი პრობლემური საქმეები და ყველაფერი სუფთა ფურცლიდან დაიწყოთ. შესაძლოა ადრე დაშვებული შეცდომების გამო დაბრკოლებებმა მნიშვნელოვნად შეგაფერხოთ.
კურო
გააანალიზეთ თქვენი საქმიანობა და მიიღეთ მნიშვნელოვანი გადაწყვეტილება. შეეცადეთ დამოუკიდებლად, თავად შეიმუშაოთ სამოქმედო სტრატეგია, კარგად გათვალეთ რას მოგიტანთ ესა თუ ის მოლაპარაკება.
ტყუპები
ნაყოფიერი დღეა, შესაძლოა არა ერთი შემოთავაზება და დამატებითი სამუშაოც კი მიიღოთ. აქტიური პერიოდია, გაგახარებთ ფინანსური საკითხების სასიკეთოდ მოგვარება.
კირჩხიბი
ნუ ინერვიულებთ ფინანსებთან დაკავშირებით, თქვენ ყველაფერს დაძლევთ და არავითარი საფრთხე არ გემუქრებათ. შესაძლოა ცვლილებები განვითარდეს სამსახურთან დაკავშირებით. ელოდეთ სიტუაციის სასიამოვნო განახლებას.
ლომი
მართალია კმაყოფილი ხართ თქვენი შრომის შედეგებით, თუმცა შესაძლოა იგრძნოთ რომ მოგბეზრდათ ეს ერთფეროვნება, გწყურიათ სიახლეები, ნუ მოდუნდებით, ნუ ელოდებით სხვისგან სიტუაციის ცვლას, თავად გაიფერადეთ ცხოვრება.
ქალწული
ახალი შესაძლებლობებისა და საქმიანი აქტიურობის დრო დადგა. გამოიყენეთ მეგობრებისა და უფროსობის თანადგომა და რჩევები. მოგიწევთ გარემოს შეცვლა და გადაადგილებები.
სასწორი
ახლა ყველაზე უპრიანი იქნება მოამზადოთ ნიადაგი თქვენი სამომავლო ქმედებისთვის. დაასრულეთ, ბოლომდე მიიყვანეთ დაწყვებული საქმეები და თუ საჭიროება მოითხოვს დროულად შეიტანეთ მათში კორექტივები.
მორიელი
ყველაფერი ჩვეული რიტმით მიედინება, შესაძლოა მიიღოთ მნიშვნელოვანი გადაყვეტილება სამუშაოსთან დაკავშირებით. ელოდეთ საინტერესო ცვლილებებს.
მშვილდოსანი
ჩამოყალიბდით და გადაწყვიტეთ რას ელოდებით თქვენი გეგმების განხორციელებით, ზედმეტად ნუ შფოთავთ და დიდ მნიშვნელობას ნუ ანიჭებთ ხელმძღვანელთა აზრს თქვენი პროექტის შეფასებისას.
თხის რქა
სახლში არსებული სირთულეები და უამრავი საქმე თქვენგან დიდ ენერგიას მოითხოვს. ელოდეთ ახალ გარიგებებსა და კლიენტებს. ფინანსური მდგომარეობა უმჯობესდება.
მერწყული
ელოდეთ სასიამოვნო სიახლეებსა და შეხვედრებს. არ გტოვებთ ბედნიერებისა და სიხარულის განცდა, რაც ძალიან კარგად აისახება არა მხოლოდ თქვენს, არამედ ირგვლივმყოფთა შრომისუნარიანობაზე.
თევზები
ნუ იჩქარებთ, გქონდეთ საკუთარი თავის რწმენა, ყველაფერს დროულად მოასწრებთ და გამომუშავებულითაც საკმაოდ კმაყოფილი დარჩებით.
ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).
„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.
დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.
აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.
დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.
ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?
მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.
წყარო: https://thehill.com/opinion/campaign/4975713-donald-trump-greatest-comeback-since-lazarus/
